Carmina (Horatius)/Liber I/Carmen XXX

by Quintus Horatius Flaccus

Quintus Horatius Flaccus

Carmina

Liber I
Carmen XXX

23 a.Ch.n.

I, XXIX	I, XXXI

O Venus regina Cnidi Paphique,
sperne dilectam Cypron et vocantis
ture te multo Glycerae decoram
transfer in aedem.

fervidus tecum puer et solutis
Gratiae zonis properentque Nymphae
et parum comis sine te Iuventas
Mercuriusque

I, XXIX	I, XXXI