Молитва честному Кресту.
Да воскреснетъ Богъ, и расточатся врази Его, и да бѣжатъ отъ лица Его ненавидящіи Его. Яко исчезаетъ дымъ, да изчезнутъ. Яко таетъ воскъ отъ лица огня, тако да погибнутъ бѣси отъ лица любящихъ Бога и знаменующихся крестнымъ знаменіемъ., и въ веселіи глаголющихъ: радуйся пречестный и животворящій Кресте Господень, прогоняяй бѣсы силою на Тебѣ пропятаго Господа нашего Іисуса Христа, во адъ сшедшаго и поправшаго силу діаволю, и даровавшаго намъ Тебе, Крестъ свой честный, на прогнаніе всякаго сопостата. О пречестный и животворящій Кресте Господень! помогай ми со Святою Госпожею Дѣвою Богородицею и со всѣми Святыми вовѣки. Аминь!
