Дата создания: 1702. Источник: Рождественская драма: (Комедия на Рождество Христово) // Русская драматургия последней четверти XVII и начала XVIII в. М., 1972. С. 220—274
1 Натура людска в образ Бога есмь созданна:
Разум, память и воля суть мне дарованна,
Недорованна, паче данна, не отъята
От преслушавшой Бога чрез змиа треклята, 5 Занеже ми есть отъята мудрость и святыня,
Безсмертие, нетленность, житиа простыня.
Разумею разумом, яко злом объяхся;
Знает и память, яже в рае наслаждахся;
Воля ми безвольная оковася узом, 10 С нею разум и память единым союзом:
Дерзнет воля на радость, память памятает,
Яко за малу радость вечная скорбь чает.
Егда хощет простерти в самовольство руки,
Разум речет: «Памятай диавола штуки, 15 Како тя безсмертную в рай уловиша
За дерзость сетми смерти и теми сокрыша».
Тым ся ми разум, память, воля упражняет,
Вести же ни от кого отменныя чает.
Что, Натуро людская, сетуеш созданна, 20 Над все вдание лучии Богу подобанна?
Имущой образ бога что ти не довлеет,
Красота и лепота егда ти светлеет?
Имаш ты покореина вся, яже суть в мире:
Летвующии, ходящий и пловущии звери 25 Вся сия покоренна суть под твоя позе.
Убо не сетуй, паче радуйся по бозе.
Натура
Вся ми суть покоренна, но и аз подданна:
Смерти, егда согреших, в рай первозданна!
Надежда
Не отчайся, Натуро, имей мя, Надежду; 30 Возвед очи, посмотри: зостаеш между
Коими вещми? Се ти век златый послужит,
Мир в брань не претворится, луна не натужит,
Любовь, кротость незлобна с тобою пребудут,
Фортуна, вечна радость неотступны будут.
Натура
35 Аще тако есть, добре; се скорбь отлагаю.
Радостна веселюся, скачю и играю.
Злат век, мир, щастье, радость мене окружают
Убо сердцу моему скорби не стужают.
Век златый
Счисляй о Натуро людска, вне златыя часы: 40 Златый ти век вещаю нехитрыми гласы
Покой
Смотри, Натуро людска, на сию маслину;
О ней мира, не вбрани чрез мене чаи выну.
Любов
Аз, Любов, сим союзом к тебе привязанна:
Понеже мя имееш, вся тебе суть данна.
Кротость
45 Всегда в кротости сердце ти да веселится,
Тому злобная язва никогда случится.
Незлобе
Чрез Незлобие на тя гнев никто воздвигнет,
Радуйся: злоба бо тя никогда не постигнет.
Радость
Внимай сладкогласному сему инструменту; 50 Сего слыша, никогда дознавай лямепту
Фортуна
Дотоль, Натуро людска, пребывай весело,
Донележе фортунио не станет ми коло.
Натура
Благополучный ныне приспеша ми часы,
Егда радостотворны слышу от вас гласы. 55 Так есть, яко-сь Надеждо прежде возвещала -
С златым мне веком радость исте обещала,
Радость на златом веце и в недрех фортуны.
Радости! Весели мя, исправ своя струны.
(Строит, и Разсуждение приходит.)
Разсуждение
Такось ся уловила чрез весть неистову! 60 Се радости измену имаши готову.
Смотри, како измена вещи преплетает,
И благополучие беды сообщает.
Уловила Надеждо тебе нечаянно,
Егда Разсуждение бех от тя попранно! 65 Где Надежда омыльна, яже тя прельстила,
Яже ти словес сетми лестне уловила?
Слыши, что Век железный будет глаголати.
Егда златый Век может ему постояти?
Зри и что противная противным сотворят 70 Увидиш, яко радость на плачь ти претворят.
Железный век
Что при Натуре людской себе водворяет?
Или мене крепчайша над себе не знаеш?
Удержиши ли прелесть, в десницы ти сущу,
Егда мою железну кулю испущу? 75 Зри: злато и железо катится еднако,
Не можеш быти лучшим над мя, веруй всяко.
Златыми си часами людей уловляеш —
В своя сети, а моих железных па Знаеш!
Аз убо совокуплю со железом злато, 80 Да весть Натура, яко есть не злато, блато.
Не будеш от союза сего разплетепный,
Но во век со мною будеши слученны.
Брань
Ты чрез увядаему льстиши ю маслину?
Зри: меч брани ту сечет и так будет выну. 85 Да не речеши: «Мирен в век Мир пребываю»,
В самый корень маслины мечь свой угружаю.
Ненависть (к Любве зубы)
Ты, Любве, что вешаеш пажити сугубы
Сим союзом, сия вся претрут моя зубы.
Ярость (стрела к Кротости)
Ты речеш, яко Кротость язвы не достигнет; 90 Се чрез стрелу Ярости язва ту постигнет.
Злоба
Ты, Незлобие, знаком, что натуру взводиш?
Рцы, како ту от уза Злобы освободиш?
Се жало в неповинном агнце углебает,
Ниже с него изыти когда помышлает.
(К Радости / Плачь.)
Плач
95 Радости! Своя струны ты устроеваеш,
А змоченну слезами плату не внимаеш.
Радость! Сладость плачь платом тебе воспящаю,
Омоченным слезами струны отягчаю.
Зависть (к Фортуне, сиречъ Коло)
Престани Коло, точитися всуе, 100 В котором Натура заводится буе,
Прежде ти в ад: не стерся крюк мой, препинает,
Да Натура Фортуну, какова есть, знает;
В точащемся Фортуне силы не познает,
Ниудержанно Коло зря, да разсуждает.
Натура
105 О люто окаянства в суетном сем мири!
Почто лестной Надежде аз бедна ях веры ж?
Веселыми помыслы впредь мя исполнила,
Ныне туюжде радость на плачь претворила.
Егда Злата Железный века побеждает, 110 Брань покоя маслину мечем посекает,
Во всем полно измены и непостоянства —
Горе! — В житии моем всего окаянства:
Ничто истиннейшаго, паче смерти, чаю,
Жду гроба, а красоты венец мой слагаю, 115 Иду окруженная печальми и беды.
Все
Мы твоими, Натуро, купно пойдем следы.
Смерть
Го! Го! Го! Радуюся Смерти от Адама.
Царствующая даже и до Авраама,
По Аврааме дотоль свободна царствую, 120 Человеческим родом сильна властенствую:
Царей и князей под моя покоряю нози,
Сильны вой падают предо мною мнози.
Все боятся, всех бо аз от сею косою.
Предпинаю, як цветы польныя з росою. 125 Едина сильна, славна есмь Смерть во вся веки
Без останка потреблю аз все человеки.
Сама Натура людска добре то познала:
Прозревши мою силу, с фрону сего встала
Венец красоты з главы своея сложила, 130 Мя боящися, власти та моей вручила.
Сяду на престол, возьму и венец на главу,
Да все видят у Смерти безсмертную славу.
Жизнь
Стой и не прикасайся фрону человека,
Иже ти не подлежит во вся веки века. 135 Аз есмь Жизнь, яже придох того оживити,
Живота безконечна в веки сподобити;
Ты же властелинствовать, не дерзай без суда,
Изыйди оттоль скоро, иди полна студа:
Аз власть имам живити, аз и умертвити, 140 Смерти или житию вечному вручити.
