вѣцех Дмитрея Ивановича, аки солнцу на небо восходящу, светящу всю Рускую землю.“ Князь же Великій увидев свою Великую Княгиню и свои два малы отрасли Князя Василия, да Князя Юрья, і возрадовася и рече Князь Великиі дѣтемъ своимъ: „Яковы царствуйте во вѣки!“ Пойде же Князь Великій с своею Княгинею и с своими детми і вниде в славный градъ Москву и пойде в церковь Архангела Михаила небеснаго воеводы, и моляся святому его образу и рече: „Заступникъ нашъ еси во веки.“ Знаменася святымъ ево образомъ, и по семъ иде ко гробомъ сродниковъ своихъ и рече со слезами: „Вы бо есте наши пособницы и молебницы ко общему Владыце нашему и Богу, яко вашими молитвами спасохомся от сопостатовъ нашихъ!“ Изыде из церкви с своимъ братомъ со Княземъ Вдадимеромъ и с Литовскими Квязьми пойде в церковь Святые Богородицы честнаго и славнаго ея Успения, и ставъ пред иконою и рече: „По истинне тя Лука Евангелистъ написа, Госпоже Царице, крѣпкая еси Хрістіанская заступнице! тобою познахоиъ истиннаго Бога, и иде ко гробу преблаженнаго Петра Митрополита и став у гроба, нача молитися со слезами: „Ты еси, преблаженне Петре, спаситель нашъ крѣпкій, твоея есмы паствы! намъ прояви тебя Господь Богъ нашъ послѣднему роду нашему и вжегъ тебя намъ свещу неугасимую; твоею есмя молитвою победихомъ своя враги.“ Скончавъ молитву, изыде из церкви и иде в свое мѣсто в набережные хоромы и сяде на своемъ стуле и нача молитися Богу и утѣшатися. И и то время преподобный Сергій и з братнею вкуси на трепезе брашна, не по обычаю встав от стола и достойно сотворив и рече: „Вѣсте ли, братие, что есть?“ И не може ему ни единъ отвещевати. И рече имъ Сергей: „Князѣ Великій здравствуетъ и пришелъ на столъ свой, побѣдивъ своя враги.“ Встав от трапезы, иде в церковь з братиею и нача молебен пѣти за Великаго Князя Дмитрея Ивановича и за брата ево Князя Владимера Андрѣевича
