жрецъ, иконоборецъ злый, христіанскій ненавистникъ и укоритель, и вниде въ сердце его діаволъ подстрекатель, иже всегда пакости дѣя христіаномъ, и наусти его разорити православную вѣру всему христіанству, да не славится в нихъ имя Господне в людѣхъ тѣхъ. Господь что хощетъ, то и творитъ. Тойже безбожный царь Мамай нача завидѣти первому Батыеви[1], и второму безбожному Батыю[2], и нача испы́товати старыхъ Еллинъ: како Батый пленилъ Киевъ, и Володимеръ, и всю Русь Словенскую[3], и како уби Князя Юрія Димитріевича, и мнози православъныя Князи изби, и мнози монастыри плени и оскверни вселенскую[4] пречистую, церковь, разграби злато, и бысть ослѣпленъ очима. Тогоже неразумѣша нечестивый, яко Господу годѣ, тако да и будетъ, якоже во иныи дни Иерусалимъ плѣненъ бысть[5] Титомъ Римскимъ царемъ и Навход’носоромъ Вавилонскимъ, за ихъ согрѣшеніе. Но не до конца прогнѣвается Господь, ни во́ вѣки враждуетъ. Слышавъ же безбожный царь Мамай[6], и нача діяволомъ палимъ быти непрестанно, ратуя на хри-
- ↑ Никон. л. VI, 111.
- ↑ Ерм. к новому законопреступнику Юліану возревновавъ. К. Оболен. прегордому Уліану.
- ↑ Ерм. землю Рускую. К. Оболен. всю Резянскую, Словенскую землю.
- ↑ К. Оболен. златоверхую.
- ↑ Въ Тимк. сп. и потомъ. Ерм. и К. Оболен. Титусомъ Римскимъ, вм. очевидной описки въ Тимк. сп: мерскимъ. Никон. л. IV, 87.
- ↑ Ерм. отъ своихъ Агарянъ.
