хощеши истребити землю Рускую. Азъ бо согрѣшихъ предъ тобою паче всѣхъ человѣкъ. Сотвори, Господи, ради слезъ моихъ милость свою и оукрѣпи сердце мое ко свирѣпому, якоже Езекѣй возвысився и рече: на Господа оуповах и не изнемогу[1].“ И посла по брата своего по Князя Владимера Анъдрѣевича; онъ же бѣ во своей державѣ Боровскѣ[2] и посла по вся воеводы, и по мѣстныя Князи[3]. Князь же Владимеръ Анъдрѣевичь приѣхавъ борзо во градъ Москву, и мнози[4] Князи и воеводы съехашася. Князьже Великии Димитрей Ивановичь поимъ брата своего Князя Владимера[5], иде ко Преосвященному Митрополиту Кипрѣяну[6] и рече: „Вѣси ли, отче, господине, настоящую бѣду на насъ, яко царь Мамай идетъ на насъ в неоукротимѣ образѣ и ярости[7].“ Преосвѣщенныи же Митрополитъ Кипреянъ рече Великому Князю Димитрею: „Повѣждь ми, господине, чимъ еси неизправился к нему?“ Князь же Великій Димитреи Ивановичь рече: „Исправилъ бо ся, отче, всѣмъ до
- ↑ Ник. л. IV, 94.
- ↑ Ерм. во своей бо бяше ему обители въ Боровицкѣ, и по всей землѣ разславь гонцѣ.
- ↑ Въ Ерм. прибавлено: повелѣ имъ скоро быти къ себѣ на Москву.
- ↑ Ерм. вси.
- ↑ Въ сп. К. Оболенскаго вставленъ здѣсь разговоръ В. К. Димитрія съ братомъ своимъ.
- ↑ Вел. Кн. Димитрій по Троицкому, Ростовскому и другимъ лѣтописцамъ, кромѣ Никоновскаго, за Кипріаномъ послалъ во время нашествія Тохтамыша, а Кипріанъ прибылъ въ Москву 1381 года.
- ↑ Ерм. неуклоннымъ образомъ ярость нося. Никон. л. IV, 94.
