скорбей нашихъ, Спасителю нашему; тебѣ бо лѣпо есть миловати и спасти насъ, подъ твоею рукою семь. Вѣмъ, Господи, яко моя согрѣшенія сотроша ми главу мою, но и тебѣ, Господи, оставляющему насъ намъ тебя взыскающимъ: и иная многая ему глаголюще и молящеся, пріимъ псаломъ л҃д и рече: „Суди, Господи, обидящая ми и возбрани борющимся со мною[1], пріими оружіе, и щитъ, востани в помощь мнѣ, да постыдятся и посрамятся являюще рабомъ твоимъ злая; дай же ми, Господи, помощь на противныя, да и тѣ познаютъ славу имени твоего[2].“ И паки идетъ предъ образъ чюдотворныя иконы пречистыя Богородицы, юже Лука Евангелистъ писалъ при животѣ своемъ[3], и нача оумилно вѣщати ко пречестному ея образу, и рече: „О пречистая и чюдотворная Госпоже Царице, всего живота человѣческаго кормительнице, тобою познахомь истиннаго Бога нашего, рождьшагося отъ тебе, не дай же, Госпоже, въ разореніе града нашего поганому царю Мамаю, ниже осквернити святую твою церковь[4], моли Сына своего и Бога нашего Владыку, Творца и Создателя нашего, и дастъ намъ Господь руку свою, смиритъ сердце врагомъ нашимъ и не будетъ рука ихъ высока, и свою помощь по-
