вина. Скончавже молитву[1] и поклонися Митрополиту: онъ же благослови его и отпусти, и дастъ ему хрістово знаменіе на челе, пославъ же освященныя соборы с крылосы[2] во градныя врата: во Фроловскія врата[3], Константинскія, Алексѣевскія врата[4], Николскія врата с честными кресты и с чудотворными иконами, да всякъ же воин благословенъ будетъ. Князь же Великіи Димитрей пойде з братомъ своимъ въ церковь небеснаго воеводы Архистратига Михаила, и много молився святому образу его и приступихъ ко гробомъ православныхъ Князей прародителей своихъ, ркущи: „Воистинну есте хранителіе, православію поборницы, аще имаете деръзновенія к Богу, молитися о нашемъ оуныніи: яко велико востаніе приключися намъ нынѣ; оубо подвизаитися с нами!“ Сія рекъ, изыде из церькви.
Княгиня же великая Овдотія и Княгиня Князя Владимера і' иныхъ православныхъ Князей Княгини с воевоцкими женами ту стоячи, проводу дѣютъ[5], а в слезахъ захлипаяся ко сердечному, ниедина не можетъ словеси рещи. Княгини же Великая Евдокѣя отдастъ конечное цѣлованіе Государю своему, Великому Князю Димитрею Ивановичю, а въ слезахъ