ти разумну; аще бо мощно послати ко многоразум’ному Олгирду таковаго вѣстника, како[1] мыслити намъ; оуже бо заступили[2] пути наша; но азъ оубо по правиломъ чаяхъ, яко же не подобаетъ великому царю Рускому противу безбожному[3] царю ити. Нынѣ убо что се здумалъ? Откуду себѣ помощи чаяти имать, яко противу трехъ насъ вооружился?“ И рекоша ему бояре его: „Мы слышахомъ, Княже, за Е҃І[4] днеі до сего дни и не смѣли тебѣ повѣдати. Сказываютъ, есть въ вотчинѣ его калугеръ[5] именемъ Сергіи, но святъ и прозорливъ велми: тотъ дѣ его благословилъ и вооружилъ противу намъ, да еще де и от своихъ калугиръ далъ ему пособьника[6].“ Слышавъ же то Князь Олгъ Резанскіи[7], оустрашися сердцемъ и распадеся мыслію, нача молитися Бога и сердитовати на бояра своя: „Почто ми есте преже сего дни не сказали, дабы шедъ оумолилъ нечестиваго царя? ничтоже бо зла сотворилъ Руской землѣ; но изгубихъ оумъ свои и не азъ единъ оску-
- ↑ Ерм. иметь мыслити.
- ↑ Ерм. застали.
- ↑ Ерм. восточнаго. Никон. л. IV, 185, 6, 7. V, 129, 155, 276. VI, 154, 196. Карамз. Ист. Р. Г. IV, 373.
- ↑ Ерм. за осмъ дній.
- ↑ Калугеры, calogeri, καλογήροι собственно: добрые старцы, по изъясн. Дюканжа, монахи, почтенные по своей маститой старости.
- ↑ К. Оболен. два пособника. Ерм. пособники тыи.
- ↑ Въ Ерм. приб: отъ бояръ своихъ.