престанно кричаше[1]; и бысть великъ трепетъ, птицамъ, прелѣтающимъ от мѣста на мѣсто, аки горамъ играюще[2]; противу же имъ на рецѣ на Непрядве гуси и лебеди и оутята крилами плещутъ необычно и велику грозу подаютъ[3]. Рече же Волынецъ Великому Князю: „Что еси, Господине Княже, слышавъ?“ И рече Князь Великіи: „Слышахъ, брате, гроза велика есть.“ И рече Волынецъ: „Обрати же ся, Князь же, на полки Рускія!“ І якоже обратишася и бысть тихость велика. Волынецъ же рече Великому Князю: „Что еси, Господине, слышалъ?“ Онъ же рече: „Ничто же, брате, слышати, но токмо видѣхомъ, отъ множества огней зари[4] имашася.“ И рече Димитреі Волынецъ: „Княже Господине[5], добра суть примѣта и знаменія! Призывай Бога небеснаго и неоскоудѣвай вѣрою!“ И паки рече: „Еще ми примѣта есть.“ Сшедъ с коня, и паде на землю на правое оухо, предлежа на долгъ часъ и ставъ, абие поничѣ. И рече ему Князь Великіи: „Что есть, брате, примѣта?“ Он же не хотѣ сказати ему. Князь же Великіи нудивъ его доб-
- ↑ см. выше на 39 стр. повтореніе сего. Въ Игор. пѣсни, на стр. 9, встрѣчаются тѣже предзнаменованія.
- ↑ Псалм 113, с. 4. горы взыграшася.
- ↑ см. Игор. пѣснь, стр. 9. уже бо бѣды его пасетъ птицъ, подобію влъци грозу въсрожатъ и пр. см. выше, стр. 41. ср. Кіевскій Сѵнопсисъ, изд. 5, Кіевъ. 1837, въ 4.
- ↑ Ерм. огненны зари. К. Оболен. зори же снимахуся.
- ↑ Ерм. огни добро знаменіе.
