предо всѣми мужествова, похваляяс’ь и хоробруя, подобенъ бысть древному Голияѳу. Видѣв же его Пересвѣтъ чернецъ[1], иже бѣ въ полку оу Димитрія Всеволожа и двисъся ис полку вонъ[2], рече: „Сей человѣкъ, иже себѣ подобна ищетъ; азъ же хощу с нимъ видѣтися[3].“ Бѣ же шеломъ на главѣ его Архангельскаго образа вооруженъ схимою, по повелѣнію Игумена Сергія, и рече: „Отцы и братія, простите мя грѣшнаго и, брате Ослабя, моли за мя Бога! Преподобне отче Игумен’ Сергіи, помогай ми молитвою своею!“[4] И оустремися противу емоу. Крестьянеже вси кликнуша : „Боже, помози рабу своему!“ Они же оударишася копьи[5], едва оудержашеся, что непреломися земля под’ ними, кони же ихъ на кора́чии падоша. Оба же они спадоша с коней на̀ землю, ту и скончашася.
Наставшу же второму часу дни[6], видѣвъ же то Князь Великіи и рече своимъ полковникомъ:[7]
- ↑ К. Оболен. приб: „Любченинъ.“
- ↑ Ерм. и К. Обол. противъ сего человѣка, противника собѣ хощетъ. — И пыхая яко левъ, аки женихъ, хотя воспріяти вѣнецъ небеснаго царствія.
- ↑ Ерм. „ажъ на мя вооружися онъ безбожный Печенѣгъ, устремися противу ему, глаголющи: „Магметъ , помози! Вои жъ христіанстіи вси воскликнуша единѣми усты: Боже нашъ, помози рабу своему!“
- ↑ К. Оболен. прибавл: „и все войско единымъ гласомъ вопіюще: Гдь Бгъ да проститъ тя и ево Игуменъ Сергій! И попусти на Печенѣга того, яко молнія.“
- ↑ Ерм. приб: „аки силніи громи грянуша, егда (едва) мѣсто не проломися подъ ними.“
- ↑ К. Оболен. И се уже наставшу часу третьему дни.
- ↑ К. Оболен. своему войску.
