Страница:Русский исторический сборник Том 3 (1838).pdf/96

Материал из Викитеки — свободной библиотеки
Эта страница была вычитана


ніе хощетъ быти на христианы и возмутися сердцемъ и воставъ, паде на лицы своемъ, плача горко пред святыми иконами Вседержителя Спаса и Пресвятыя Богородицы и рѣче: Еуѳиміи Владыко молитца пред образомъ Пресвятыя Богородицы:“ моли за Великаго Князя и за Христіаны, всемирная Царице, чудная Богородице, милостивая и премилостивая Дѣва, чистая Владычице, нескверная Мати Христа Бога нашего и Ісуса Христа, да и объемши, умоли Сына своего и Бога нашего, да смиритъ лва сего свирѣпаго поганого Мамая Царя, хотящаго осквернити пресвятое и великолѣпое имя твое и святыя храмы разорити и родъ Христианскій искоренити! И пособи, Господи, Великому Князю надъ поганымъ Мамаемъ и возвыси, Господи, десницу Христианскую! „И воставъ отъ молитвы и рѣче Архиепископъ посадникомъ: „которые еста ради потребы приидосте ко мнѣ ?“ Они же рѣша ему: „Господине Святыи и отче! приидохомъ к тебѣ, аще благословишь насъ венецъ прияти с вѣрными сынми с Московскими? хотимъ, Господине, пострадати во единомъ мѣсте имени ради Христова.“ Архіепископъ же прослезися и рѣче: „Благословенъ Богъ нашъ такую благодать въ сердца ваше давшему! идите и повелите собрать народъ, кою рѣчь принесутъ, собрався: ититьли противу поганыхъ, или…“ Посадницы Новгородцы и шедше на степень, повелѣша звонити в вѣстный колоколъ народа ради збиратися на совѣтъ к Великому Архиепископу Еуѳимию и по всѣмъ улицамъ повелѣша на конехъ ѣздити и звати на совѣтъ, глаголюще: да всякъ человѣкъ, ныне приидетъ на совѣтъ, яко земская дума думати. И снидеся народъ многъ к совѣту. Посадницы возвестиша Архиепископу, яко снидеся народъ многъ. Архиепископъ же Еуѳиміи всѣдъ в сани и приѣде, на соборище и ставъ на степени и повелѣ уставити народы от молвы. Посадницыж повелѣша проповѣдницы мнози глаголюще народу, яко да умолчатъ. Архиепископъ же Новгородцкій Еуѳиміи рѣче вѣлегласно: „Мужие великаго Новагорода, отъ мала и до велика всякаго чину