на площадь к соборной церкве Софеи Премудрости Божіей. Они жъ съѣхашася вси все войско вскоре, не оста ни единъ в домѣхъ своихъ. Архіепископъ же повелѣ кропити ихъ попомъ и дьякономъ во стрѣтеніе ихъ; сам же Святитель вшедъ на степень, возгласивъ, рѣче: „Послушайте мене, чадца, приклоните уши сердецъ вашихъ! Ныне, чада, хощете ити на путь спасенія, и вы, чада, не утолите лица своево ни единъ васъ отъ поганыхъ и не (?) дадите плещи своихъ, предъ ними бѣгая, яко всѣмъ единою смертію умрети, да животъ вѣчный постигните отъ Господа Бога.“ И все воинство яко едиными усты отвещаху ему и рѣша: „Единъ, отче, Богъ свидѣтель, должны есмя умрети по Христе Бозе нашемъ!“ Святитель же воздѣвъ руцѣ свои, благослови ихъ, рѣче: „Богъ правитель да будетъ вамъ!“ И отпусти ихъ и вземъ честный крестъ Христовъ и огради ихъ всѣхъ и воеводъ и рѣче: „Грядите, неумедлите, да не останем жизни вѣчные.!“ Они же всѣдше на кони свои и наполнишася радости и поидоша яко златопарниі орлие по воздухомъ, ищуще восточные свѣтлости: тако и сии правовѣрніи вои скоро идуще и глаголюще:“ Дай намъ, Господи, вскоре видити любезно Великого Князя Дмитрія Ивановича Московскаго!“ Новгородцкая рать прииде к Москве къ Великому Князю на помощь яко, приближися и возвестиша имъ, яко Князь Великиі вчерашниі день на Коломну пошелъ. Они же отпустиша к Великому Князю возвестити о своемъ пришествіи, а сами скоро идоша хъ Коломне, и прииде вѣсть Великому Князю Дмитрію Ивановичу, яко шесть воеводъ идутъ къ тебѣ на помощь Новгородцы, а с ними м тысячъ воинства оружни. Бысть же тогда день Воскресенія Христова. Князь же Великіи бѣ тогда у заутрени. Пришедше, возвестиша Великому Князю, яко приидоша вѣстницы отъ Новгородцевъ, а сказываютъ, яко идутъ S воеводъ, а съ ними м тысячь избранна воинства Новгородскаго. Князь же Великіи повелѣ ихъ скоро поставити пред себя, яко слышати отъ нихъ истину. И поставиша ихъ пред нимъ; они же сказаше ему
