Страница:Судебник царя Феодора Иоанновича 1589 г.(1900).pdf/67

Материал из Викитеки — свободной библиотеки
Эта страница была вычитана


71.

А татем, и разбоиникамъ, и зажигалщикам, і ведомым лихимъ людемъ безчестия нет, потому что оне лихие люди.

72.

А стрелцам, и ратнимъ людемъ, и волнымъ[1] казакам и каменщикамъ, что црь гдрь укажет.

73.

(Л. 30 об.) А за увич(ь)е крестияномъ указати, зря по члку и по увич(ь)ю.

74.

А которои чюжеземец взыщет на чюжеземце или на волощанинѣ, ино того воля, на ком ищут, хочетъ сам отцелуетце, что в том не виноват, или под крестъ положит, чего на немъ ищут; истецъ поцелует, а пошълины имать на ответчике.

75.

А которое дело судитъ црь і великии кнзь или дети црвы и боярѣ, и которои суд не кончяетъца, а оставят его во обговоре, — и діяку исцевы и ответчиковы речи велити записывати пред собою, да те ему дела держати у собя за своею печат(ь)ю, (л. 31) доколе дело кончяетца.

76.

А которые дела судят бояре, и тот суд велити записывати діякомъ перед собою, а исцемъ у записки не стояти; и будет исцы к чему будет надобе, и их призывати и, выспрося их, отсылати от записки; а списка не чести перед исцы, а прочести ево боярем.

77.

А случитца суд[2] смеснои, ищея и ответчикъ судимы будут не одному суд(ь)е, и хто по ково возмет п(р)истава в какове деле ни буди, ищея возметъ у своего суд(ь)и за собою

  1. Далѣе зачеркнуто: „людемъ“.
  2. Въ рукописи: „суде“.
Тот же текст в современной орфографии
71

А татем, и разбоиникамъ, и зажигалщикам, і ведомым лихимъ людемъ безчестия нет, потому что оне лихие люди.

72

А стрелцам, и ратнимъ людемъ, и волнымъ[1] казакам и каменщикамъ, что црь гдрь укажет.

73

(Л. 30 об.) А за увич(ь)е крестияномъ указати, зря по члку и по увич(ь)ю.

74

А которои чюжеземец взыщет на чюжеземце или на волощанинѣ, ино того воля, на ком ищут, хочетъ сам отцелуетце, что в том не виноват, или под крестъ положит, чего на немъ ищут; истецъ поцелует, а пошълины имать на ответчике.

75

А которое дело судитъ црь і великии кнзь или дети црвы и боярѣ, и которои суд не кончяетъца, а оставят его во обговоре, — и діяку исцевы и ответчиковы речи велити записывати пред собою, да те ему дела держати у собя за своею печат(ь)ю, (л. 31) доколе дело кончяетца.

76

А которые дела судят бояре, и тот суд велити записывати діякомъ перед собою, а исцемъ у записки не стояти; и будет исцы к чему будет надобе, и их призывати и, выспрося их, отсылати от записки; а списка не чести перед исцы, а прочести ево боярем.

77

А случитца суд[2] смеснои, ищея и ответчикъ судимы будут не одному суд(ь)е, и хто по ково возмет п(р)истава в какове деле ни буди, ищея возметъ у своего суд(ь)и за собою

  1. Далее зачеркнуто: «людемъ».
  2. В рукописи: «суде».