Henri, par la grace de Deu rei de Engletere, duc de Normandie de Aquitanie, et cunte de Angou, a tuz ses feus et leus saluz. Pur coe ke nus desirrums et volums ke hastive dreiture seit fete par tote nostre reaume autresi ben as poveres cum a riches, nus volums et comanduns ke tuz les torz ke unt este fet de nostre tens en vostre cunte, ki unkes le avera fet, seint mustre as quatre chevalers ke nus avum a coe aturne, si en avant ne lur eit este mustrez. E nus, al plus bastivement ke nus purrums, les frum amender et adrescer. Mes si nus ne purrums si hastivement ceste chose fere cume nus vodrums, et cume mester serreit a vous et a nus, ne nus ne vous devez pas amerveiler ke la chose, ke est si longement malement ale a nostre damage et al vostre, ke eles ne poent si tost estre amendez. Mes par les premer amcndemenz ke serrunt fet al cunte u nus averum nostre justice et de nos autres prodes homes. pur coe poez aver certeyn esperance ke ausi fra lem a vous al plus tost ke lem purra. Sachez ke nus avum fet jurer chescun de nos vescuntes icel serment, ke il nus servira lewement, et lewement tendra a son poer ceo ke est desuz escrit, ceo est a savcr, ke il fra dreiture communement a tute gent solum le poer ke il a de sun office. E ceo ne lerra pur amur, ne pur hayne, ne pur pour de nui, ne pur nule coveytise, ke il ausi ben et ausi tost ne face hastive dreiture al povere horne cume al riche; ne de nuly ren prendra par li, ne par autre en nule manere, par art ne par engyn par achesun de la baylie, fors solement mangers et beyfres ke lem est acustume a porter as tables, ausi cume a une jornee al plus; ne ke il ne avera fors eyne chevaus en lyu ou il herberge, ovekes autre par achesun de sa bayllie; ne oveke nui ne herbergera ke eit meins de quarante
