I. Edward par la grace de Dieu, roy Denglettere, seignur Dirland et ducs Daquitaine, a toutz ceus qui cestes preeentes lettree verront ou orront, saluz. Sachiez nous al honeur de Dieu et de seinte Eglise et au profit de tut notre roiaume, aver grante pur nous et pur nos heirs, qe la grande chartre de franchises et la chartre de la forest les queles furent faites par commun assent de tut le roiaume en tens le rey Henri notre pere, seient tenuz en toutz leur pointz, sanz nui blemishment. E voloms qe meismes celes chartres de suth notre seal seient envoiez a nos justices, ausi bien de la forest, come as autres, e a toutz les viscontes des contez, et a toutz nos autres ministres, a totes nos citees par mi la terre, ensemblement ove nos briefs, en les queux sera contenu qil facent les avant dites chartres pupplier, e qil facent dire au poeple qe nous les avoms grauntees de tenir les en toutz leur pointz; e a nos justices, viscontes, maires e autres ministres, qi la ley de la terre de south nous et par nous ount a guier, meismes les chartres en toutz leur pointz, en plez devaunt eus e en jugementz, les facent alower, cest a savoir la grande chartre des franchises come lay commune, e la chartre de la forest solom lassise de la forest, al amendement de notre poeple.
II. E voloms qe si nuis jugementz soient donez desoremes encontre les pointz des chartres avantdites, par justices et par autres nos ministres qui contre les pointz des chartres tenent plez devant eus, seient defaitz e pur nient tenuz.
III. E voloms qe mesmes celes chartres de suth notre seaseient envoiez as eglises cathedrales paimi notre roiaume et la de morgent; e seient deufoitz par an lues devant le poeple.
IV. E qe ercevesques et evesques doignent sentences du grant escomenger contre toutz ceus qui contre les avantdites chartres vendront, en fait, ou en ayde, ou en conseil, ou nui point enfreindron ou encontre vendront et qe celes sentences seient denuncies
