Страница:Акты исторические. Том 1.djvu/388

вомъ обьята бывши, заточи его и съ чяды въ Седунь; оному же и великаго Златоуста молящу^[1] помощи ему, оному же царицы не воспретившу, но попустившу сему тако быти, и тамо^[2] ему въ заточеніи и скончявшуся, царица жъ, гнѣвомъ неутолима сущи, и еже на прекормленіе убозѣй сей остави^[3] виноградъ, восхотѣ злохитрьствомъ отняти. И аще святіи о малыхъ сихь вещѣхъ сице страдаху, колмя же паче, господіе мои и отцы, вамъ подобаетъ о чюдотворцовѣ преданіи пострадати. Якоже Апостоли Христу сраспинаеми и соумерщвляеми, и совоскрешаеми будутъ, тако и вамъ подобаетъ^[4] усердно послѣдствовати великому Чюдотворцу Кирилу, и преданіе его крѣпко держати, и о истинѣ подвизатися крѣпцѣ, и не быти бѣгуномъ, пометати щитъ и иная^[5]: но вся оружія Божія воспріимѣте, и не предавайте чюдотворцова преданія, никтожъ отъ васъ, яко Іюда Христа сребра ради, тако и нынѣ сластолюбія^[6] ради. Есть бо у васъ^[7] Анна и Каіяфа, Шереметевъ и Хабаровъ; и есть Пилатъ, Варламъ Собакинъ, понеже отъ царскія^[8] власти посланъ; и есть Христосъ^[9] распинаемъ, чюдотворцово преданіе преобидимо. Бога ради, отцы святіи, и мало въ чемъ ослабу попустите, то и велико будетъ. Воспомяните, святіи отцы, великаго Святителя Епископа Василія Амасійскаго, еже писа^[10] къ нѣкоему мниху, и тамо прочтите, какого^[11] то ваше иноческое поползновеніе, или ослабленіе, умиленія и плача достойно, и какова радость и подсмѣяніе^[12] врагомъ, и какова скорбь и плачь вѣрнымъ! Тамо писано есть ко оному мниху сице, еже и къ вамъ прилично^[13], ко овѣмъ убо, яко отъ великія высоты мірскаго пристрастія и богатства ко иноческому житію пришедшимъ, ко овѣмъ же, яко во иночестѣмъ житіи воспитавшимся: «Аще бо пріиду въ помяновеніе перваго въ васъ^[14] житія, иже нынѣ міра и болярска сана отвергшеся и суетнаго восхожденія^[15], егда васъ обдержаше богатство и слава, ужасаюся, и егда окружаху васъ ласковцы^[16] множества, и пищное^[17] пріятіе временное; егда же обнажистесь^[18] къ преложенію честнаго^[19] нрава, гнушаеми убо своего достоянія, домовного угожденія и домашнихъ бесѣдованій отрицаеми, вси жъ легки, яко странники, и не яты селы,^[20] и градовъ уклоняеми, но теченіемъ ко Іерусалиму ублажахуся^[21] страдалческія болѣзни ваша. Сіе же убо ко иже^[22] воспитавшимся отъ младыхъ ногтей въ постѣ^[23], яко недѣлными пощенми скончавающе, Богови прилюбистеся, вкупѣ же и человѣческія отбѣгающе^[24] бесѣды, безмолвію же и уединенію^[25] припрягосте себе, градныхъ плищъ удаляющеся, вретищемъ же острымъ тѣло свое удручяюще, и поясомъ жестокимъ^[26] чресла своя стяаующе,^[27] терпѣливно кости своя оскорбляюще, ложесна же со внутреними чревесы, даже до хребетныхъ костей, ослабили есте; и яденія убо мягкого потребы от-

1. «моляще» 2.
2. «тако» 1.
3. три сіи слова пропущ. тамъ же.
4. слово сіе пропущ. 3.
5. «тщетная» 1.
6. страстолюбія» 2—4.
7. «въ васъ» 3—5.
8. «царьствія» 3.
9. «Христомъ» 2.
10. «пиша» 4.
11. «таково» 1.
12. «посмѣяніе» тамъ же.
13. «приключно» 4.
14. слова сего нѣтъ 5.
15. «васъ хожденія» 2. 3.
16. «лукавцы» 4.
17. «пышное» 1
18. «обнажитися» тамъ же.
19. «чистаго» тамъ же.
20. «селъ» тамъ же.
21. «обнажахуся» 1.
22. «коихъ» 2; «кождо» 4.
23. въ множ. ч. 1.
24. «обѣщавающе» 3.
25. «удивленію» 2; «единенію» 3.
26. «препоясавшесь» прибавл. 3.
27. «стязающе» 3 связующе» 5.