и за Литовскіе Князи и рече: „Братія моя, силніи наши вѣтри на тихость преложишася.“ И рече: „Аз есмь вамъ не повѣдалъ: пришла вѣсть ко мнѣ во вторый день, яко побѣдилъ Князья Великій своя сопротивники и опять ко мнѣ вѣсть в и д., яко Князь великій пошел з Дону на свою вотчину и идет на Резанской землѣ. Слышав же то Князь Олегъ Резанскій, избежалъ из вотчины своея. Князь жеч великій пришелъ на Коломну во и д. и былъ на Коломне четыре дни и пойде с Коломны в пятый день и пришелъ на Москву в осмый день.“ И скончав молебенъ, изыде ис церкви. — Князь же Великій пребысть на Москвѣ четыре дни и поѣде Князь великій ко отцу своему к преподобному Игумену Сергию старцу. Преподобный старецъ Сергей встрѣте ево со кресты близъ монастыря и знамена ево крестомъ и рече: „Радуйся, Княже нашъ, и веселися твое христолюбивое войско!“ И вопроси ево о своихъ изволникахъ и ево служебницахъ и рече ему Князь Великіи: „Отче, твои изволницы, а мои служебницы, тѣми победихъ враги своя. Твой, отче, вооружитель, рекомый Пересвѣтъ победилъ подобна себѣ; ино б было, отче, многимъ пити смертная чаша.“
Тогда же Мамай не во мнозе убежа и прибежа в землю свою в мале дружине. Видя себя бита и побеждена и посрамлена и поругана, и паки гнѣвашеся и ярися зело, и собра остаточную свою силу, еще восхотѣ изгономъ идти на Русь и сице ему умыслившу. И се пріиде к нему вѣсть, что идетъ на него нѣкій Царь с востока именемъ Тактамышь из синие орды. Мамай же, иже на ны рать уготова і с тою ратью готовою пойде противу ево и сретошася на Калкахъ и бысть имъ бой. И Царь Тактамышь победи Мамая и прогна ево. Мамаевы жь Князи сшедше с конь свой и биша челомъ Тактамышу и да ему правду по своей вѣрѣ, и яшася за него, а Мамая оставиша поругана. Мамай же то виде, побеже со единомысленники. Царь же Тактамышь посла за нимъ в погоню вся своя. Мамай же гонимъ сый, прибежа близъ города Ка-
