велика к нему, по оуставу[1] отецъ своихъ; но еще и боле того воздахъ ему.“ Преосвященныи же Митрополитъ рече Великому Князю: „Видиши ли, господине, попущеніемъ Божіимъ, нашихъ ради грѣховъ, идетъ пленити в Рускую землю. Но вамъ подобаетъ Рускимъ Княземъ тѣхъ оутолити ради крестьянскаго роду четверицею сугубою, дабы не разрушилъ хрістовы вѣры. Аще ли не смирится: то Господь гордымъ противится, писано есть, а смиреннымъ благодать даетъ. Господь Богъ смиритъ его[2], якоже иногда случися великому Василію в Кесаріи. Идыи на него злыи преступникъ[3] ис Персъ злыхъ, хотя разорити градъ его; онже помолися Богу со всѣми Хрістіаны, и собраша злата много, дабы отступника оутолити. Онъ же болѣ воз’ярился, и Господь посла на него война своего Меркурія: онъ же оуби гонителя мечемъ невидимо.[4] Нынѣ же возми, господине, злата, колико имаеши, и пошьли к нему, исправися емоу.“ Еще Князь Великіи Димитрей Ивановичь слышавъ отъ Архиепископа иде з братомъ своимъ въ казну свою и въземъ злата много, нача избирати юныхъ отъ двора своего, и ізбра юношу доволна смысломъ, имянемъ Захарію То́шкова[5] и давъ ему два толмача, оумѣюща языку