а к нимъ ни единою чертою не преступихъ по отецъ своихъ оуставу, но и сам, отче, вѣси, яко доволенъ есми отчиною[1] своею. Но к нимъ кою обиду[2] сотворилъ, не вѣмъ. Что ради оумножася стужающеи ми?[3]“ Преосвященный же Митрополитъ рече к Великому Князю: „Просвѣти, господине, очи свои веселіемъ! Ты самъ, господине, разумѣеши законъ Божіи. Кто творяй правдѣ, не подвижутся на него человѣцы, яко праведенъ Господь и правду возлюби. Нынѣ обыдоша, аки пси мнози[4]; пустошныхъ суетно и тщетно поучаются. Ты же именемъ Господнимъ противися имъ, и Господь правдивъ будетъ ти помощникъ; аще ли ни, то отъ всевидящаго ока его гдѣ можеши оукрытися и отъ крѣпкія руки его?“ Князь же Великіи Димитрей Ивановичь з братомъ своимъ с Княземъ Владимером и со всѣми Рускими Князи и Воеводы[5], яко оуставити стражу тверду, и послаша на сторожу крѣпкія юноша Родиона Ржевскаго, Якова Оусатаго[6] Анъдрѣева сына, Василія Тупика̀, и повелѣ имъ ехати[7] близь орды и до быстрыя Сосны, повѣлѣ имъ языка[8] добывати, дабы ис-
- ↑ Никон. л. IV, 96. предѣлы своими.
- ↑ Игор. п. 16, и 19: за обиду Олгову, см. ниже стр. 15, обиду В. К. Слово обида въ такомъ же употреблено значеніи, какъ Лат. injuria, подлежательно и предметно, т. е. нанесенная и предметная обида, оскорбленіе.
- ↑ Псал. III, 2.
- ↑ Псал. XVI, 11.
- ↑ Текст примечания отсутствует. — Примѣчаніе редактора Викитеки.
- ↑ Ерм. и Никон. л. IV, 97. Ондрея Волосатаго.
- ↑ Ерм. на тихомъ Сосье стеречи со всякимъ усердіемъ см. Арцыбашева П. о Р. II, 131.
- ↑ языкъ, γλωδδα (Anna Comn. XIII. p. 324) выражаетъ простонародное Фран. изрѣченіе prendre langue des ennemis, захватить, взять языкъ у непріятеля
