Литовскими Князи: здѣ’ли намъ пребыти, или Донъ перевеземся? И рѣкоша ему Олгирдовичи: „Аще хощеши крѣпкаго бою, то повели сего дни рѣку возитися, да не будешъ ти ни единаго мыслящего назадъ; всякъ бьется безо льсти; а велицѣй силѣ его рѣчемъ нѣсть вѣровати, яко не в силѣ Богъ, но въ правдѣ[1]. Ярославъ перевезеся рѣку, Святополка победи и прадѣдъ[2] твой Александръ Князь перевезеся рѣку, Короля побѣди, и ты нарекъ Бога, тако же твори. Аще побіемъ поганыхъ, то всѣ живи будемъ[3]. Аще ли онѣ насъ побіютъ, то всѣ же общую смерть пріимемъ, от простых людей и до Князей. Мы оубо, господине, видимъ, яко множество изъбранныхъ витязь въ войску твоемъ.“
Князь же Великіи повелѣ вою своему Донъ возитися: сторожи же мнози оускариваютъ[4], яко ближутся Татаровѣ. Мнози же Руские оудалцы возрадовалися, зря своего желаннаго подвига, его же на Русе вжелѣша. За многіе же дни пріидоша на то мѣсто мнози волцы,[5] по вся нощи воютъ непрестанно; гроза бо велика есть слышати, храбрымъ полкомъ сердца оутвержаетъ, и мнози ворони собрашася, необычно неоумолкающе граютъ, га-
- ↑ Никон. л. III, 10. Въ Соф. времен. I, стр. 360, 91, вставлена витійственная молитва В. К. Димитрія.
- ↑ Въ сп. Тимков. ошибочно: „правды твоея.“ Здѣсь принято чтеніе по Ермолаевскому и К. Оболен. сп: прадѣдъ твой.
- ↑ К. Оболен. то вси спасемся.
- ↑ Ерм. прискоряютъ.
- ↑ К. Оболен. и лисицы, выюще по вся дни и нощи непрестанно: грозѣ быти великой.
