Вирши Мардария Хоныкова к гравюрам Библии Пискатора/468

Материал из Викитеки — свободной библиотеки
Перейти к навигации Перейти к поиску

Вирши Мардария Хоныкова к гравюрам Библии Пискатора
468. «Богослов небо отверзенно зряше…»

автор Мардарий Хоныков
Дата создания: 1679. Источник: О. А. Белоброва: Вирши Мардария Хоныкова к гравюрам Библии Пискатора, на сайте «odrl.pushkinskijdom.ru»



468


VISIONE S APOCALYPTICAE
<продолжение>

25

Богослов небо отверзенно зряше
и се сый — Слово Божие — ездяше
На беловидном коне, царствующий,
многи же венцы на главе имущий.
Иже из уст мечь острый испущаше
на противен люд, и тем их бияше.
Ят же бысть и зверь со пророком лживым,
жещися огнем вечным негасимым.

26

Сниде аггел ключь бездны с ужем имущь к змию,
иже зол и древний демон сущь.
На тысящу лет в бездну заключи,
мир же от его лести свободити.

27

Зряше Богослов престол поставленный,
седящ же на нем Бог благословенный.
Явися мертвых всех возставляющии,
книги же суда и дел являющий.
Воздающий же комуждо поделом,
грешным же муку и злым духовом.

28

Егда на гору Богослов возведен,
зряше град святый сущь и преукрашен.
Сходящь с небесе, иаспису сличен.
Злат же и имущь всяк камень различен.
Глаголяй же с ним, злату трость имяше.
и на стадии многи град меряше.
Зрящь же и слышущ сия поклонися.
но от аггела поклон возбранися.
Аз [рече] клеврет Бога воспочитай,
его же уже грядуща усретай.

СЛАВА БОГУ. АМИНЬ.


1679