Се яз, князь Дмитрий Юрьевич, пожаловал есма Кузьму Гавриловича Катенина, что у него в треотчине на Чухломе, его село Святицкое, да в Заболотье у него другое село Хлусеевское, да деревня Якушевская, что у него в тех селах и деревне имеет жить старожильцов, и те люди старожильцы и дань мою дают. А кого Кузьма в те селы и деревню призовет себе людей честных и княжие, а не из моей отчины людей, и тем людям пришлым не надобе иметь ни которой дани на десять лет, ни песчением, ни подводы, ни тяга, ни кормити, ни осминкичье, ни мыт, ни костеки, ни коня моего не кормити, ни лугов моих не косити, и к старостам с тяглыми людьми не тянуть до того уроку ни во что. А волостями мои Чухломские и Заболотские, и их тиуны, Кузьмы и его людей старожильцов и с пришлыми не судят, и кормов своих не емлют ни которых, а праемщик мой и доводчик поборов своих с них не берут. И судит и ведает своих людей старожильцев Кузьма сам, или кому прикажет, опрячь душегубства и разбоя с поличным. А смешается суд малостницы с Кузьмиными людьми, а волостель мои Чухломские и Заболотские и их тиуны судят. А Кузьма с ними судит, или кому прикажет. А при суде делятся на полы. А отсидят пришлые люди срок урок десять лет, и они потянут в мою дань своею братией с боярскими половники, а судом к волости, а кому будет чего искати на Кузьме и его людях, сужу яз. Князь Дмитрий Юрьевич, или боярин мой введенный. А кто их чем изобидит, быть от меня в казни. Отдана грамота на Угличе, в лето 6954.
Князь великий Дмитрий Юрьевич.