Молитва Христу Богу (Хворостинин)

Материал из Викитеки — свободной библиотеки
Перейти к навигации Перейти к поиску

Молитва Христу Богу («Полки обнищавшие, Иисусе, вопиют к тебе…»)
автор Иван Андреевич Хворостинин (ум. 1625)
Дата создания: между 1623 и 1625 гг.. Источник: bdn-steiner.ru — Вирши
 Википроекты: Wikidata-logo.svg Данные


МОЛИТВА ХРИСТУ БОГУ



иже во христианех многу неволю от царей
и от правителей неразсудных
злобы приемлют многи,
еще же и от еретик и чревоугодных человек;
таков есть глагол прискорбных,
краестрочие имуще по буквам, на римские ереси

Полки обнищавшие, Иисусе, вопиют к тебе,
Речение сие милостивное приими, владыка, в слух себе.

Еже на нас вооружаются коварством сего света,
Всегда избави, Господи, нас от их злаго совета.

Оне убо имеют в себе сатанину гордость,
Да отсекнут нашу к тебе душевную бодрость.

И твой праведный закон по своей воли изображают,
Злочестивых к совести своей приражают.

Лестными и злыми бедами погубляют нас, яко супостаты,
10 А не защитят от твоего гнева их полаты.

Желаю бо аз единаго тя, Спаса истиннаго,
Еже верую в тебе, Творца милостиваго.

Не предаждь нас, раб твоих, точию,
И посещай своих благочестивою мочию.

15 Яко безсловесных скотов нас имеют,
Коварствы неправедными укоряют.

Но мнози убо на себе клятвы наложили,
Яко злыми, лукавыми нас обложили.

Злой прибыток себе утверждают,
20 На нас души злостьми вооружают.

Владыка вседержитель, ты нашу беду видишь,
А глаголющиа поистинне молитвы наши приимешь.

Не дай врагом вознестися злостию на ны,
А злостныя да не будут на нас их раны.


<между 1623 и 1625 гг.>