Прокимны и аллилуиа воскресны

Материал из Викитеки — свободной библиотеки
Перейти к навигации Перейти к поиску

Прокимны и аллилуиа воскресны
автор неизвестен
Источник:
 
Википроекты: Wikipedia-logo.png Википедия Wikidata-logo.svg Данные


Проки́мны ᾿и ᾿аллилу́ıа воскре́сны, ᾿у́тренніѧ ᾿и лїтурги́йныѧ, на ᾿о́смь гласо́въ.

Гла́с 1.[править]

На у́трени[править]

Проки́мен:[править]

Ны́не воскре́сну́, глаго́лет Госпо́дь, положу́ся во Спасе́ние, не обиню́ся о не́м. (Пс. 11:6)

Сти́х: Словеса́ Госпо́дня, словеса́ чи́ста.

На литурги́и[править]

Проки́мен:[править]

Бу́ди Го́споди, Ми́лость Твоя́ на на́с, я́коже упова́хом на Тя́.

Сти́х: Ра́дуйтеся пра́веднии о Го́споде, правым подоба́ет Похвала́.

Аллилу́иа:[править]

Бо́г дая́й отмще́ние мне́, и покори́вый лю́ди под мя́.

Сти́х: Велича́яй Спасе́ния ца́ре́ва, и творя́й Ми́лость христу́ своему́ Дави́ду, и Се́мени его́ до ве́ка. (Пс. 17:51)

Гла́с 2.[править]

На у́трени[править]

Проки́мен:[править]

Воста́ни Го́споди Бо́же мо́й, повеле́нием, и́мже запове́дал еси́, и со́нм люде́й обы́дет Тя́. (Пс. 7:7-8)

Сти́х: Го́споди Бо́же мо́й, на Тя́ упова́х, спаси́ мя.

На литурги́и[править]

Проки́мен:[править]

Кре́пость моя́ и Пе́ние мое́ Госпо́дь, и бы́сть мне́ во Спасе́ние.

Сти́х: Наказу́я наказа́ мя Госпо́дь, сме́рти же не предаде́ мя.

Аллилу́иа:[править]

Услы́шит тя́ Госпо́дь в де́нь печа́ли, защи́тит тя́ и́мя Бо́га Иа́ковля.

Сти́х: Го́споди, спаси́ ца́ря́, и услы́ши ны́, во́ньже а́ще де́нь призове́м Тя́.

Гла́с 3.[править]

На у́трени[править]

Проки́мен:[править]

Рцы́те во язы́цех, я́ко Госпо́дь воца́ри́ся: и́бо испра́ви Вселе́нную, я́же не подви́жится. (Пс. 95:10)

Сти́х: Воспо́йте Го́сподеви пе́снь но́ву, воспо́йте Го́сподеви вся́ земля́.

На литурги́и[править]

Проки́мен:[править]

По́йте Бо́гу на́шему, по́йте, по́йте Ца́ре́ви на́шему, по́йте.

Сти́х: Вси́ язы́цы восплещи́те рука́ми, воскли́кните Бо́гу гла́сом ра́дования.

Аллилу́иа:[править]

На Тя́ Го́споди упова́х, да не постыжу́ся во ве́к.

Сти́х: Бу́ди ми́ в Бо́га Защи́тителя, и в до́м Прибе́жища, е́же спасти́ мя.

Гла́с 4:[править]

На у́трени[править]

Проки́мен:[править]

Воскресни́ Го́споди, помози́ на́м, и изба́ви на́с, и́мене Твоего́ ра́ди. (Пс. 43:27)

Сти́х: Бо́же, уши́ма на́шима услы́шахом, и отцы́ на́ши возвести́ша на́м.

На литурги́и[править]

Проки́мен:[править]

Я́ко возвели́чишася дела́ Твоя Го́споди, вся Прему́дростию сотвори́л еси́.

Сти́х: Бла́гослови́ душе́ моя́ Го́спода, Го́споди, Бо́же мо́й, возвели́чился еси́ зело́.

Аллилу́иа:[править]

Наляцы́, и успева́й, и ца́рствуй, И́стины ра́ди и Кро́тости и Пра́вды.

Сти́х: Возлюби́л еси́ Пра́вду, и возненави́дел еси́ беззако́ние.

Гла́с 5.[править]

На у́трени[править]

Проки́мен:[править]

Воскресни́ Го́споди Бо́же мо́й, да вознесе́тся рука́ Твоя́, я́ко Ты́ ца́рствуеши во ве́ки. (Пс. 9:33)

Сти́х: Испове́мся Тебе́ Го́споди, все́м се́рдцем мои́м, пове́м вся чудеса́ Твоя.

На литурги́и[править]

Проки́мен:[править]

Ты́ Го́споди, сохрани́ши ны́, и соблюде́ши ны́ от ро́да сего́, и во ве́к.

Сти́х: Спаси́ мя Го́споди, я́ко оскуде́ преподо́бный.

Аллилу́иа:[править]

Ми́лости Твоя Го́споди, во ве́к воспою́, в ро́д и ро́д возвещу́ И́стину Твою́ усты́ мои́ми.

Сти́х: Зане́ ре́кл еси́: в ве́к Ми́лость сози́ждется, на Небе́се́х угото́вится И́стина Твоя́.

Гла́с 6.[править]

На у́трени[править]

Проки́мен:[править]

Го́споди, воздви́гни си́лу Твою́, и прииди́ во е́же спасти́ на́с. (Пс. 79:3)

Сти́х: Пасы́й Изра́иля вонми́, наставля́яй я́ко овча́ Ио́сифа.

На литурги́и[править]

Проки́мен:[править]

Спаси́ Го́споди лю́ди Твоя, и бла́гослови́ достоя́ние Твое́.

Сти́х: К Тебе́ Го́споди воззову́, Бо́же мо́й, да не премолчи́ши от мене́.

Аллилу́иа:[править]

Живы́й в по́мощи Вы́шняго, в кро́ве Бо́га Небе́снаго водвори́тся. (Пс. 90:1)

Сти́х: Рече́т Го́сподеви: Засту́пник мо́й еси́ и Прибе́жище мое́, Бо́г мо́й, и упова́ю на Него́. (Пс. 90:2)

Гла́с 7.[править]

На у́трени[править]

Проки́мен:[править]

Воскре́сни́ Го́споди Бо́же мо́й, да вознесе́тся рука́ Твоя́, не забу́ди убо́гих Твои́х до конца́. (Пс. 9:33)

Сти́х: Испове́мся Тебе́ Го́споди все́м се́рдцем мои́м, пове́м вся чудеса́ Твоя.

На литурги́и[править]

Проки́мен:[править]

Госпо́дь Кре́пость лю́дем своим да́ст, Госпо́дь бла́гослови́т лю́ди своя ми́ром.

Сти́х: Принеси́те Го́сподеви сы́нове Бо́жии, принеси́те Го́сподеви сы́ны о́вни.

Аллилу́иа:[править]

Бла́го е́сть испове́датися Го́сподеви, и пе́ти и́мени Твоему́ Вы́шний.

Сти́х: Возвеща́ти зау́тра ми́лость Твою́, и И́стину Твою́ на вся́ку но́щь.

Гла́с 8.[править]

На у́трени[править]

Проки́мен:[править]

Воцари́тся Госпо́дь во ве́к, Бо́г тво́й Сио́не в ро́д и ро́д. (Пс. 145:10)

Сти́х: Хвали́ душе́ моя́ Го́спода, восхвалю́ Го́спода в животе́ мое́м.

На литурги́и[править]

Проки́мен:[править]

Помоли́теся и воздади́те Го́сподеви Бо́гу на́шему.

Сти́х: Ве́дом во Иуде́и Бо́г, во Изра́или ве́лие и́мя Его́.

Аллилу́иа:[править]

Прииди́те возра́дуемся Го́сподеви, воскли́кнем Бо́гу Спа́си́телю на́шему.

Сти́х: Предвари́м лице́ Его́ во испове́дании, и во псалме́х воскли́кнем Ему́.