АРТЫКУЛЫ ПОПРАВЪ СТАТУТУ ЛИТОВСКОГО НА СЕЙМѢ ВАЛНОМЪ ВЪ ВАРШАВѢ 1587.

Сей статутъ для лѣпшой вѣры и певности есть корикгованъ за статутомъ, который на первей за волею и вѣдомостью Господаря Краля его милости Жыкгимонта Августа, подъ печатію господарскою, на соймѣ Выленскомъ всимъ станомъ есть выданъ, при которомъ ухвала сейму Городенского двѣ привыля соймовъ Выленскыхъ, третый привылей сейму Белзкого, коньституціи сейму Варшавского. И на артыкулы поправы сойму Берестейского. То все у семъ статутѣ есть описано и доконано выше реченного мѣсяца Августа 12 дня.

Стефанъ Божію милостію Король Польскый, Великый Князь Литовскый, Рускый, Проскій, Жомоидскій, Мазовецкый, Флянскій, княжа Семиградское.

Чинимъ знаменито всимъ посполито, коиу того вѣдати потреба, што будучы намъ на соймѣ Варшавскомъ, всихъ землянъ короны Польской и Великого Княжства Литовскаго, обясненя артикуловъ нѣкоторыхъ въ статутѣ описаныхъ, и ново причиненого порядку справедливости, якъ то имъ правомъ посполитымъ и по присяженямъ нашымъ есть позволено, и просили насъ, абы тоею моцю того сейму зверхностю нашею господарскою было имъ утверженно, и до статуту Великого Князства Литовского уписанно. На што мы Господарь позволивши, и росказали въ констытуцыѣ змѣнъ о кождомъ таковыхъ артыкуловъ учинити, и въ сесь привилей нашъ слово отъ слова велѣвшы уписати, и до всѣхъ воеводствъ земль и повѣтовъ, которыи ся тымъ правомъ статутомъ Великого Князьства Литовского судити, съ канцлярие Великаго Князьства Литовского выдать есъмо казали, яко тыи артыкули такъ въ собѣ мають.

Напрод што по отъѣханю Кроля Генриха постановенны были судовъ кродскыхъ роки в певнихъ воеводствахъ што обясняючи и приводячи къ годности съ порадою пановъ радъ и становъ сейму належачыхъ, такъ обясняючи уставуемъ, ижъ роки кгродскіе маютъ быть сужоны, кождого мѣсяца 1 дня, а теперь уже початися мають мѣсяца Мая 1 дня, и также порядокъ тымъ кождого мѣсяца отправлени и сужени быти маютъ, звыклимъ поступкомъ от поданя позвовъ за 4 недѣли. А естли бы ся трапило свято на тотъ 1 день, ино на завтря по святѣ сужоны быти маютъ. А хто бы для кроткости часы, же бы ему до позваня 4 недѣли до позвая сповна не достало, а на рокы первые позвати бы не могъ; тому и на другіе рокы позвати будетъ вольно, а звлаща о выбытя спокойного держеня. А ижъ тежъ розное уваженя на рокахъ кгродскыхъ поступку бывало, на нѣкоторыхъ врядехъ первого дня позваного знають, а на иншого черезъ возного до права волаютъ по 3 дни, яко о томъ ясный статутъ есть. А такъ теперь то объясняемъ, ижъ вже отъ сего часу кождый врядъ кгродскый за нестанямъ стороны позваной также и поводовоѣ маеть возному наказать волати дня 1 и 2, а третого дня если не станетъ, ино конечное сказаня на таковомъ отъ годыни нешпорное чинити маеть. Але хто позываетъ, тотъ 1 дня становытися маеть, абы за его поступкомъ воланя черезъ возного шло по всѣ 3 дни. А ведже где до того часу въ таковыхъ речахъ звычай былъ захованъ, если што 1 дня за пестанямъ на комъ сказано, або гды до 3 дня сторони ожидано, то ровно въ речахъ прошлыхъ вже осужоныхъ при моци зостати маеть. А хто бы ся коиу 1 дня отповѣдати у права и у справедливости листомъ своимъ описалъ, то ведле опису першого дня не ждучи другого и третого сужоно и сказывано быти маетъ. А если бы хто въ речахъ суду кгродскому належачихъ, до суду кгродского будучи позванъ, ку праву и не сталъ; на таковомъ тотъ врядъ кгродскый и замковый або дворный, за показанямъ скутечнымъ, и всего доводу выполненымъ, то о што жалобы были сказани, присудити и отъправу ведле статуту учинити маеть и повыненъ будеть. Также и въ иныхъ справахъ, которые суду кгродскому въ статутѣ описаны, гдѣ ся не дотечетъ выни крывавое за що горломъ караютъ; тымъ же порядкомъ маютъ быти оправованы не отсылаючи на выволане. А гдѣ иты будетъ о рѣчь крывавую, за которую ведле статуту горломъ караютъ; за нестанямъ на выволаня маетъ быти отсылано, и далшый поступокъ чинити. А за позванямъ о таковые речи крывавые облычне мают ся становыти, а не черезъ прокуратора, вынявши причины нестаня въ статутѣ описанныхъ.

О приданю возныхъ.

Еще тежъ розумѣячы собѣ люде, ижъ въ томъ великую трудность и проволоку въ правахъ своихъ ѣздити посылати до вряду по приданя возныхъ, гды жъ нѣкоторымъ великое омешканя справахъ ихъ дается, а звлаща и то потребуетъ борзого оказаня вознымъ; а такъ вже отъ сего часу кождому будетъ вольно, и безъ приданя врядового, возныхъ на вшелякіе справы свои брати и крывды свои обводити. Кгдытъ кождый маетъ вѣдати, якъ и на що возного береть, если ку пожитку або ку шкодѣ своей. А вед же на оправѣ речей сужоныхъ на увязаня возныи безъ листу врядового ѣздити немаютъ, ижъ тежъ въ статутѣ отъправы Городецкого сейму есть отписано: же возныи листы наши господарскыи и вшелякіе въ потребахъ речей посполитыхъ разношовати въ повѣты маютъ; пре то и теперь тому вже досытъ чинити маютъ без вымовы, а на войну ѣхати неповинны будутъ.

О поправахъ артикула 27 в розд. 4.

Ижъ въ томъ артыкулѣ описано роки земскыи судиди, роки земскіи судити 2 недѣли а не большь. Уставуемъ если бы роки земскыи не только 2 нѣдели были сужоны, але будетъ ли того потреба и до 3 недѣль, поки всѣ справы судовыи оныхъ роковъ порядне ведлугъ рестру отсудити.

Поправа артикула 23 в розд. 4.

Кгды жъ людій укрывжоныхъ велика проволока справедливости збиванямъ позвовъ ляда причынами дѣалось, пре то якъ на наизду Городецкомъ поставленно есть.

Уставуемъ ижъ позвы такъ гродскіе якъ и земскіи камысарскыи подкоморскыи и при позве жадными причынами збиваны быть не могутъ, опрочъ где бы сторона року позваня не довела выписомъ съ книгъ, або сознанямъ возного ведлугъ артикулу девятого роздѣлу четвертого, тако жъ где бы хто имени титулу преднейшого позваной стороны, рокъ мѣсяца, въ который то стало, не позвехъ не написалъ, а въ речахъ крывавыхъ, гды бы о горло або о поцтивость ишло, маеть мѣсце, на которомъ ся што стало, описати, а гды не опишеть, таковый позовъ неповинна сторона отказовати. А въ речахъ меньшыхъ, где бы не доложилъ сполна титулу тако же о речь самую, о што позываетъ, и жалобы недостаточне выписалъ, чого бы сторона зрозумѣти не хотѣла; тогды поводовая сторона повинна тако жъ предъ судомъ въ своей жалобе словы шырей позванному объясненя жалобу свою и на писмѣ тые слова съ подписомъ руки писарской дати, а сторона взявшы собѣ на розмышленя на день одинъ, будетъ повинна на то отказовати, а то для того, абы позваный вѣдалъ, о што маеть усправедливитись. Также гдѣ бы позвы въ литерахъ, ижъ по сродку писаня, если бы въ чомъ колвекъ незгажались, яко того много бываетъ, ижъ слова которого не доложить албо поскробеть, а ку тому гдѣ бы очевистому позваню чотырохъ недель, (sic) статочному Іпесть недель въ рокохъ земскыхъ отъ початя роковъ другого албо третего дня, ведже не далей, тогды сторона поводовая за таковыми недостаткы позвовъ, заплатившы вину грошъ дванадцатъ, судовы шесть, а сторонѣ позваной шесть, а жалобы своей попирати можетя, а сторона повинна ему будеть о таковый позовъ отказовати.

Нѣжли если бысь то трапило позвы поправованіе и скробаніе на имени и на речы самой, о што позываетъ, такоже и на дате. А ижъ бысъ таа поправа скробанаа зъ другимъ позвомъ противнымъ незгожала, и явный бы поступокъ значылъ; на таковый позовъ неповинна сторона отказовати. А ижъ бы хто хитростю яко для збитя позвовъ и проволокаючы и сому право самъ наболей позванымъ позвы маючіе в рукахъ своихъ не скробалъ и не поправовалъ.

Уставуемъ, ижъ где бы таковый позовъ на позваного непоправованый былъ положонъ; тогды сторона поводоваа маеть вознымъ того довести, ижъ ему далъ позовъ цѣлый а нескробаный от дати и во всемъ згодливый, а по таковомъ доводѣ, позваный неповиненъ ему отповѣдати. А иншыми никоторыми причынами позвы не могутъ быти збиваны, толко заплатити за скробаня поводовой сторонѣ копу грошей, а судовы дванадцать грошей. А ведже гды бы о позвы одинъ артикулъ збитъ былъ причынами выше описаными; тогды предъ ся на другыи артыкулы правныи сторона повинна ему отповѣдати.

Артыкулъ поправы Литовского статуту на соймѣ Варшавскомъ.

Ижъ роки земскіи ненужоны на многихъ мѣсцахъ отъ початку часу щасливого панованя нашого. Про то хто бы до книгъ земскыхъ зъ гроду не перенѣсъ якого записованя; таковый еще волность маеть мѣти до року отъ роковъ земскыхъ, которыи припасти маютъ о Святой Троицы, въ року теперешнемъ седмъдесятъ осмомъ.

А ижъ тотъ артикулъ ниже написанный, на соймѣ коронаціи Короля Гендрика потверженый конституціею соймовою не былъ уписанъ. Про то и теперь задержанямъ и жаданямъ всихъ становъ панства нашого казали есмо его до конституціи теперешнего сейму Варшавского уписати, который такъ ся въ собѣ маетъ.

Гендрикъ, Божію милостію Кроль Польскій, Князь Литовскій. Ку тому тежъ и то обличаючы, ижъ въ статуте права посполитого великого панства нашего продолженя справедливости, и оного панства немнѣйшого дѣялося, же того не доложоно. Если бы сторона поводоваа о што колвекъ справовалась съ кимъ, а онъ будучи бы у позвехъ, и вникаючы сконченя права, кому иному то именя люди або и къгрунты якимъ же обычаемъ пустилъ; тогды для прудшой справедливости людской моцю теперешнего сейму за дозволенямъ всихъ пановъ радъ нашыхъ и пословъ земскихъ Великаго Князьства Литовского, тотъ артикулъ, през нихъ до насъ поданый, ухвалившы въ статутъ вписать и ку вживаню привести заказалисъмо тымъ способомъ.

Если бы хто съ кимъ право зачалъ вести о имѣня люди грунты о што колвекъ, а онъ будучы въ позвехъ и не скончившы права, кому иншому тое имѣня або люды грунты, съ чого позывано будетъ, въ держаня якимъ же колвекъ правомъ пустилъ, теды урядъ нашъ жалобнику на ономъ имѣню, на которомъ позвы класти почато, отъправу до конца чинити маеть ведлугъ статуту, а держачый ничимъ того заборонити не маеть, але въ томъ заводци своего смотрити маеть, хто ему певное имѣня завѣлъ. Пакли бы тотъ, хто имѣня держалъ будетъ, упорне вряду противился, а отправы чинить не допустилъ и боронилъ увязеня; тогды таковый противникъ отъ вряда нашого позвы нашими передъ насъ Господаря на рокъ зась завытый позванъ быти маеть, если будемъ на онъ часъ въ панствѣ нашомъ за чотыри недѣли, а если въ корунѣ Польской, тогды за осмь недѣль, на который рокъ ничымъ не вымовляючись, самъ або през умоцованого своего жалобнику предъ нами Господаремъ усправедливитися повиненъ будетъ. А если бы на рокъ завытый предъ нами Господаремъ ку росправѣ не сталъ и въмоцованного не послалъ; тогды вже тую речь, о што позвано будетъ, жалобной сторонѣ отъ насъ Господаря на впадъ присужоно и мощное увязованя з рамени господарского, за листомъ и посланцомъ нашымъ въ то, о што жалоба идетъ або будетъ, дано быти маеть, и заклады съ права положоны и на власномъ именю спротивного мають быти презъ того же посланца нашого отправованы. А гдѣ бы еще и противъ зверхности нашой господарской посланцу нашему спротивился; тогды о што вжо мандатомъ нашымъ господарскымъ, яко о власную речь нашу, маетъ быть до суду нашего позванъ, а гды бы не сталъ, тогды таковую особу зъ земли панства нашего, якъ непослушного права и зъверхности нашей господарской, выволати повины будемъ, а сторонѣ жалобной, такъ яко выше описано, моцная отправа учинена быти маеть.

А ижъ есть описано въ артыкулѣ первомъ.

Хто бы на кого што вѣлъ несправедливе, а не довѣлъ, яко той артикулъ ширей обмовляетъ, тымъ самъ каранъ быти маеть. Объясняючы тотъ артыкулъ маеть имъ присужонъ о кождую вину, которая крывавую заплату беретъ, и о што бысь дотыкало горла и поцтивости, то есть хто бы кого винилъ и позывалъ, не одно около ображеня маестату нашого, але тежъ и о кгвалтъ наизду домового о разбой о голову и о што колвекъ несетъ за собою вину поцтивости караня крывавого, а где бысь то показало, же невинне и без даня причыны позвалъ; таковый, по декретѣ а увязаню судовомъ, где будетъ отъ стороны обжалованъ и припозванъ, маеть туюже вину односити, о которую оного позвалъ. А где бы за преводомъ права сторона пришла ку увязаню маетности за нестаня; тогды позваный маеть сторону позвати ку вправедливеню, а справившыся того, о што былъ обвыненъ, и доведши же невынне его ку шкодѣ приправылъ, маетъ быти приверненъ ку именю врядовне, и если бы чого не доставало выйменю, таковый што будетъ изымѣня взялъ, албо выгналъ людей быдла иншыхъ пожитковъ, тое будетъ повыненъ з навязкою ворочати, за припозванямъ отъ стороны и за доводомъ слушнымъ ведле права въчыненнымъ. А ведже где бы въ таковыхъ справахъ о поцтывость приходило; того всего зъ соуду достатечне выслухавши и сторонамъ на пысмѣ давши, ку сказаню екзекуціе и до насъ Господаря на сейм валный отослати маеть. А ижъ тежъ естъ статут же мы Господаръ не маемъ нѣкого увязеня сажати не преконаного правомъ; пре то тежъ каждый съ персоны шляхецкой народу шляхецкого сажати не можетъ, вынявши на горячомъ учинку такъ домового яко и бѣлой головы тежъ забойства на шляхецтве пойманого. А хто бы вязню або за якою иною прычиною персону стану шляхецкого у вязене свое брати, а на врядъ нашъ правомъ не переконанного, важилъ; оборона кождого такая, а вязеня през дворянина кажемъ взяти и на рукоемство дати, абы былъ ку праву ставенъ передъ нами Господаремъ, и вольно будетъ доводити тому за позвомъ, хто обвыневаетъ, такъ тежь и обвынелій своей крывди доводити предъ судомъ за позвомъ можетъ. А где бы ся то показало, ижъ его невынне сажалъ; таковый маетъ совыто увязеню седѣти. А где бы з вязеня не выпустилъ за посланямъ нашимъ; маетъ быти позванъ мандатомъ предъ насъ Господаря, яко о кгвалтъ права посполитого, и о то, же звѣрхность, которая намъ тылко належитъ, надъ себе ровнымъ привлащалъ, а за тымъ манъдатомъ яко на року завытомъ иаетъ ставити, кого увязеню маеть.

А где бы его въ томъ вязеню уморилъ; выненъ будеть голову платити, а за выну нашу у вежи на днѣ седѣти безъ вшелякого милосердя и фолкгы, рокъ и 6 недѣль маетъ седѣти. А сели бы кревный кревному то вчинилъ, въ надѣю спадку, который бы на него приходилъ; таковый вынѣ статутовой досыть вчинивши отъ маетности спадку по змерлой руцѣ намъ приходячого отпадати маетъ. Вшакъ же вольно пану слугу судити и карати и всякий выступокъ, яко тутъ описано.

Поправа артыкулу 9, въ роздѣлѣ 12, о подданыхъ отчызныхъ и неволныкохъ, также и о слугахъ приказныхъ, которыи отъ пановъ своихъ втѣкаютъ.

Уставуемъ, если бы который человѣкъ отчизный и непохожій албо челядникъ невольный, также и слуга приказаный, отъ пана своего утѣкшы за кого зашолъ, а повѣдалъ бы ся вольнымъ, а оный панъ, чый человѣкъ албо слуга и челядникъ, просилъ въ оного пана права, а тотъ панъ на такового права дати не хотѣлъ; тогды таковый маетъ быти позванъ до земства на рокъ завітый. А если бы той панъ, чый чоловекъ, зыщетъ правомъ, ижъ его отчить або челядникъ и слуга приказный, а оного пана, въ кого будетъ тотъ человѣкъ, переведетъ правомъ, ижъ въ него просилъ справедливости з вознымъ и зъ шляхтою, а онъ права не далъ тогды тотъ панъ маеть оного человѣка або челядника его самого и жону и дѣти и всю маетность его з навязкою вернути, а слугу приказаного маеть выдати. А естли бы тежъ утѣкъ; маетъ всѣ шкоды за него што отходячи отъ него оного пана своего починилъ, тотъ панъ, который права на него дати не хотѣлъ, за такового слугу, на чомъ сторона доводъ учинитъ, платити. А если бы позванаа сторона ставшы у права тимъ вымовку чинилъ, ижъ о таковомъ подданымъ челяднику и слузѣ вѣдатись не признавалъ и теперь не знаетъ, и на тотъ часъ, кгды въ него права прошено, на йменя его не былъ, таковый незгола отъ того маеть быть воленъ, але присягою тою отвестись маетъ, а предъ сяжъ будетъ виненъ позволити на имѣнью его своего искати и взяти яко власного своего зо всею маетностю его. А где бы присягиути не хотѣлъ; тогды виненъ будетъ за всѣхъ такъ за самого такъ и за жону и за всѣ дѣти головщизну платити, а шкоды за доводомъ сторонѣ поводовой нагородити.

О поправахъ речеи сужоныхъ, вмѣсто рушеня повѣту, новый артикулъ.

Къ тому ижъ оказали намъ панове рады и послове земскыи Великого Князства Литовского, ижъ рушеня посполитого котораа въ повѣтехъ непослушныхъ вряду въ справахъ сказанныхъ накоторого пожытку и скутку не приносятъ; тогды ухвалою того сейму оное рушеня посполитое ку отправамъ речамъ сужонымъ на сторону отложившы, такъ уставуемъ. Ижъ отъ того часу рушеня съ повѣту для отъправы речей сужоныхъ быти не маеть, але кгды вже весполокъ съ поступкомъ правнымъ съ порядкомъ того жъ артикулу сторонѣ поводовой на противника его выполнится, и если бы возному з уряду нашого кгродского и земского посланному на отправу спротивился, а увязованя не попустилъ; тогды вмѣсто рушеня всего повѣту маетъ врядъ земскый, въ справахъ суду его належачыхъ, одинъ который з нихъ судя або подсудокъ, а въ справахъ кгродскихъ врядъ кгродскій самъ староста, а въ небытности старосты подстарстый албо судя, взявшы и зъ собою возного и двохъ шляхтычовъ до именя оного противного вряду нашему ихати до той части, въ которую подъ тымъ часомъ презыскъ правный сторонѣ поводовой дорогу покажетъ. Бо еще до замку або до двора чіего презыскъ чый не приступить, тамъ имъ издити непотреба будетъ, толко през возного и двухъ шляхтычовъ до замку або двора нашого або чыего вѣдомость пану або вряднику дать знати, за што и в што увязоватись идутъ, такъ же сторону поводовую, о тое о што право идетъ або было, тако жъ и за презыскъ сумы пенязей речей рухомыхъ сужоныхъ и увязати и удержати упустити маеть въ люди въ кгрунты его ведугъ статуту и поводу права стороны поводовой, положившы совытую заруку. А где бы люди кгрунты и пашня его дворнаа сумы пѣнязей въсказанное не вышло; тогды дворъ и всякое будованя и властности шацункомъ слушнымъ увязованя и отправа быть маеть.

А ведже зложившы ему первей рокъ на выймованя двора шесть недѣль, а закладъ права положоный маетъ сторона укрывжонаа до кгроду на рочки кгродскіи позвати, и за першымъ позвомъ судъ маеть всказаня чинити, а потомъ и отправу поступкомъ вышь мененымъ. А где бы хто кому вряду нашему земскому и гродскому увязеия не допустилъ, будъ то самъ тотъ, на которого презыскъ права идетъ, або хто колвекъ иншый его заступуючы, и въ держаня именя его подъ часомъ перевоженя права вшодши; такового противника праву и вряду нашого сторона поводоваа предъ насъ Господаря манъдатомъ позвати маеть.

А мы таковые речы на дворѣ нашомъ, где на тотъ часъ будемъ, отправовати маемъ, выймуячы отъ того речы крывавыи, кому шло о честь и о горло, таковые речы где бы притрафили, врядъ маетъ до насъ Господаря отослати, а мы за мандатомъ нигде инде одно на соймѣ судити маемъ; але выпшыхъ поточныхъ речахъ, гды таковый упорный предъ нами за мандатомъ ку справѣ станеть, маемъ с права зъ суду нашего за доводомъ слушнымъ на вязаня на дванадцать недѣль сказати, и ку выконаню того вязеня отослати до замку нашого оного же повѣту албо воеводства, а такъ урядъ нашъ въ томъ вязеню жадной фолгы таковому чинити не маеть. А сторону жалобливую, которой што отъ вряду нашого присужоно, заховавшы при томъ судѣ, маеть дать увязеня моцное за листи презъ посланца з двора нашого войменя сказанное и въ суму пѣнязей присужоною. Тако жъ и в заруки отъ вряду положоныи на йменяхъ або маетности рухомой того спрθтивника росказати справити, которыхъ зарукъ на насъ Господаря половица, а сторонѣ укрывжоной другая половица, а къ тому всѣ шкоды и наклады того жъ укрывжоного жалобника, што по спротивленю и непоступеню увязаня принялъ за доводомъ его въ тотъ же часъ по сказаню дано быть маеть, а посланецъ насъ увяжчого по шесть грошей отъ копы найменю того жъ не маючы прислушенства собѣ отправити маеть. А где бы за прииханямъ вряду спротивился вряду або сторону обелжылъ словы, за то двою дванадцать недѣль седѣти маеть; а пакли бы вряду або кого при немъ будучыхъ зелжылъ и ранылъ, за то рокъ и піесть недѣль сидѣти на днѣ у вежы безъ жадной фолкгы маеть. А если бы который зъ нихъ забилъ; такого маемъ судити и безъ сойму мы Господарь съ панами радами нашыми, которыи при насъ на тотъ часъ будутъ, за мандатомъ нашымъ, яко о ображеню майстату иашого господарского. А если бы по увязаню хто таковымъ отъ насъ Господаря присожонымъ албо презъ врядъ гродскый и земскый учиненый за ся держаня стороны поводовой именя отнялъ, не вчинившы заплаты; тогды поступкомъ правнымъ маеть его выбити, и до суду гродского припозвати на рокъ завытый, и гды слушне доведетъ выбиетъ презъ увязаваня зыменя албо зачевыстого мовеня або за нестанямъ позваной строны, тогды за отнятямъ въ совытость сумы першого презыску оныи упорный власти маеть. А таковое выбитя презъ увезеня врядовое маеться розумѣти, тако жъ яко бы очевисто врядовы нашему спротивился, на такового выступкомъ вышъ мененымъ и сърогостю права якъ отъ вряду нашого а потомъ и отъ насъ Господаря сказаня и отправы маеть ити совито. А если бы хто недбаючы на росказаня наше господарское за мандатомъ нашымъ стати а сторонѣ укрывжоной усправедливитися не хотѣлъ; такового кождого, якъ непослушника и спротивника зверхности майстату нашого господарского, маемъ его сказати зо всихъ панствъ нашыхъ выволати, а сторонѣ укрывжоной предъ ся найменю и маетности его оправу неотволочную учинити будемъ повинны. А ведже где бы воланый утѣкъ ся до насъ, мѣнуючы быть укрывжонъ переводомъ права отъ стороны албо отъ вряду; таковому поднесеня до права маеть быти съ канцлярей нашой дати до суду нашого господарского не на долгый часъ, одно на дванадцать недѣлъ; а таковому року милитацеей перекажати не маеть, але якъ позоветь, урадъ маеть справедливость учинити и слушне права и статуту Великого Князьства Литовского поступкомъ. А гды бысь з вылзку нашого господарского показало, ижъ врядъ подле права и сказати сказалъ; такъ за страву и шкоду сто копъ грошей заплатити. А до того они жъ доводовъ выслухавшы, врядъ за нестанямъ стороны на рокъ маеть сказаня чинить, абы за облудливостю и за недостаткомъ доводовъ одинъ другого отъ маетности и ку шкодѣ не приправялъ, и ку оболженю на выволаня не приводилъ. А поводъ и отпоръ гды станеть, апеляцей сторонамъ не маеть боронити, опрочь того, хто бы на якомъ злочинствѣ на горячомъ учынку былъ пойманъ, о выбитя шляхтича з упокойного держаня зыменя его, але заразомъ такового за доводомъ слушнымъ въ держаня судъ упустити маеть. А ведже сторона если бы собѣ до того имѣня албо грунту якого права розумѣла быти волное, и о то будетъ позване до суду земского, и того правомъ доходити, а тымъ стутутомъ нынѣшнимъ, не толко пришлыи але и пройшлыи речы, гдѣ скупку справа котораа осужонаа будучы не дошла, мають зъ урядомъ нашимъ поступовати и заховатись. А ижъ найдутся таковые люди, которые выволанцовъ въ домѣхъ своихъ переховывають и зъ ними обцованя мѣваютъ, а надъ то до таковыхъ своволенствъ помогаютъ; тогды хто бысь таковый вынашолъ и будучи позванъ до права и суду нашого господарского гродского судовы не былъ переконанъ нынѣшнимъ правомъ и статутомъ, одно тыиже артикуломъ, якось вышъ поменило, маеть быти сужонъ и сказованъ. А то съ тыхъ причынъ таковую срогость на таковыхъ помощниковъ выкладаемъ; абы оныхъ таковыхъ своволныхъ речей никому не помагалъ и не смѣлъ помогати.

Шкрутениумъ.

Забѣгаючи тоже великой несправедливости людей злыхъ превратныхъ, абы нѣхто несмѣлъ речей зъмышленныхъ славѣ и почстивости дотъкливыхъ на людей невинныхъ въкладать и въ книги вписать.

Уставуемъ, хтобы кого позвалъ до права о речь крывавую, што бысь дотыкало горла и почтивости и доброй справы людской, а сторона обжалованная, выдячы собѣ въ томъ крывду и невинность свою, холтѣлъ бысь того отвести; таковымъ кождымъ, хто бы былъ обвиненъ, ставши до права на шкрутеніумъ, то есть на испытованя и на невыдане речи правдывое, взяти сбѣ можетъ. И судъ кгродскій допустивши того маеть двѣ особѣ зъ врядниковъ земскихъ присяглыхъ имъ позволившы на таковое опытане вывести, а если бы врядниковъ земскыхъ до таковой справы мети не могли, тогды врядъ самъ, кого бы розумѣлъ людей побожныхъ и ростропныхъ, таковымъ то злѣцити черезъ листъ свой маеть, положивши сторонамъ, рокъ певный, на который тые депутати на мѣсцѣ оное, гдѣ ся то стало, зъѣхати до обу двухъ сторонъ будутъ повинни, маючи при собѣ возного и шлахътичовъ кылка. А тымъ зъѣхавши вивѣдане пылное учинити въ наиблыжшихъ сусѣдовъ у шляхтичовъ у пановъ самыхъ и врядниковъ ихъ у слугъ у поданыхъ, и въ кого же колвекъ иного хотя и въ преѣжджжаго человѣка, которому бысь притрафило на онъ часъ, кгдыся то стало, быти, толко бы у людій вѣрныхъ годныхъ, не выймуючи съ того жадной особы такъ духовного якого и свѣцкого стану человѣка, которые повинни будутъ маючи предъ очима своима боязнь божую и сомнѣня доброе прирекши и шлюбывши словомъ своимъ добрымъ и подъ сумнѣніямъ узнавати то, чего будутъ въ оной речи правдиве вѣдоми. А што на онъ часъ тые свѣдки з обудвухъ сторонъ свѣдоме, такъ съ поводовое яко и з обжалованное стороны, свѣдчити и зознавати будутъ, а при томъ опытоване стороны быти маютъ; и то все тые депутати, которые на таковое опытоване выйдутъ, мають достаточне списати, докладаючи всего, яко часъ и мѣсцѣ и вси подобенства, а потомъ обоемъ сторонамъ на писмѣ подъ печатми своими и съ подписомъ рукъ своихъ на листѣ затворенномъ, абы стороны не вѣдали, што написано будетъ, дати мають, съ которымъ съвѣдецствомъ обое стороны на пръшіе роки кгродскіе припозвавшися предъ врядомъ становитися мають, также судъ маеть узнати чый выводъ и свѣдецство будетъ слушнѣйшое. А гдѣ бы ся то въ судѣ показало, сторона поводовая кого невинне кроиѣ значноѣ слушное причины въ таковой речи доброй славѣ дотклыве обжаловала и въ книги вписати дала; таковый каждый за такую потварь маеть быти сказанъ на вязене у вежи на пол року, и къ тому сторонѣ за всѣ шкоды и наклади безъ доводу сто копъ грошей заплатити будетъ повыненъ заразомъ. А сели бы сторона апеловала; тогды судъ кгродскій, списавши по достатку всю тую справу, на вырокъ до насъ Господаря на сеймъ одослати маеть. Опрочъ таковыхъ особъ, хтобы на явномъ учинку то есть на разбои на кгвалтѣ невестъ также и на мужебойствѣ а на злодѣйствѣ былъ пойманъ; такового врядъ и до насъ не отсылаючи ведлугъ заслуги кождого карати маеть. А кгды вже врядъ до насъ таковую справу, яко ся вышей помѣнило, на сеймъ за аппеляціею отошлетъ; мы съ паны радами обоего народу то судити маемъ. А по сказаню нашомъ кгды обжалованый воленъ будетъ; тогды таковую жъ жалобу и оповѣданіе, што будетъ поводовая сторона на обжалованя до вряду принесла и въ книги вписати казала, маетъ сказати съ книгъ вынести и скасовати, такъ яко бы наменшій знакъ иноти (sic) оной справы въ книгахъ не зостала. А ижъ бы всѣмъ ку вѣдомости приходило, про то абы на врядехъ нашихъ такъ кгродскихъ яко и земскихъ, при собраню шляхты тыи артикулы читано и въ статутъ вписаны, и тымъ порядкомъ абы сужоно и отправовано было, про то и моцную того сейму тое жъ даня утзердивши далисъмо сесъ листъ подъ печатью нашею и съ подписомъ руки нашой. Писанъ у Варшавѣ на сеймѣ валномъ корунномъ, дня 3-го, мѣсяца Марца року 1578, кролеванья нашого второго.

Это произведение перешло в общественное достояние в России согласно ст. 1281 ГК РФ, и в странах, где срок охраны авторского права действует на протяжении жизни автора плюс 70 лет или менее.

Если произведение является переводом, или иным производным произведением, или создано в соавторстве, то срок действия исключительного авторского права истёк для всех авторов оригинала и перевода.