злыхъ и плотскихъ[1] отлучаться; мало вѣщати, множае разумѣвати; не предерзывати славомъ; не избыточествовати бесѣдою; не дерзку быти на смѣхъ; стыденіемъ украшатися; къ женамъ нечистымъ не бесѣдовати; долу зрѣніе имѣти, горѣ же душу; бѣгати сопротивословія немучительски[2] гонити санъ; ничтоже вмѣняти, яже отъ всѣхъ чти; аще кто отъ васъ и инѣхъ ползовати, яже отъ Бога мзду да ожидаетъ, и вѣчныхъ благъ наслажденіе.
Чада послушаите заповѣди Господня: любити отца своего и матерь свою, и послушаите ихъ, и повинуитеся имъ, по Бозѣ во всемъ; и старость ихъ чтите и немощь ихъ, и скорбь всякую отъ всея душа, понесите на своеи выи: и и благо вамъ будетъ, и долголѣтни будите на земли; симъ очистите грѣхи своя, и отъ Бога помиловани будете, и отъ человѣкъ прославитеся, и домъ вашъ будетъ вовѣки, и наслѣдятъ сыны сыновъ твоихъ[5], и достигните старости маститы, во всякомъ благоденствѣ дни своя[6] препровождающе[7].
