праздниковъ и поста не хранитъ, всегда въ нечистотѣ пребываетъ; или чародѣиствуетъ, и волхвуетъ, и отраву чинитъ; или ловы творитъ съ собаками, и со птицами, и съ медвѣди; и всякое дьяволе[1] угодіе творитъ, и скоморохи и ихъ дѣло, плясаніе и сопѣли, пѣсни бѣсовскія всегда любя[2], и зернью, и шахматы, и тавлеи самъ[3] государь, и его, дѣти и[4] христіяне тако творятъ, а государь о томъ не возбраняетъ[5], и обидимому управы не дастъ прямо, вси вкупѣ будутъ во адѣ а здѣ прокляты; и во всѣхъ тѣхъ плодѣхъ не благословенныхъ отъ Бога не милованъ[6], а отъ народа проклятъ; а обидиміи къ Богу вопіютъ; а свои души погибель, а дому тщета; и все проклятое и не благословенное ясти[7] и пити и носити; все стяжаніе и плоды не Божіи но бѣсовстіи; и низходятъ во адъ, живы душа ихъ и тако творящихъ; и отъ нихъ отъ всякаго обилія и плодовъ отъ таковыхъ Богу непріятна милостыня, ни при животѣ, ни при смерти. Аще ли хощети вѣчныя муки избыти, отдаи неправедное тѣмъ же коихъ изобидѣлъ[8] и каися впредь тако не творити всѣхъ[9] сихъ золъ, еже во главѣ сеи нисано. Скоръ Господь на милость свою, истинно кающихся пріемлетъ и великимъ грѣхомъ свободу даруетъ.
