передъ тебе, или передъ наши намѣстници, или передъ волостели, хоженого, въ городъ алтынъ, а на правду два; а дальнiй ѣздъ верста по Резанѣ, а на правду въ двое. А хто отъ насъ пригонится въ твою вотчину за холопомъ, или за должникомъ, а изымаетъ самъ, а безъ пристава, да поставитъ передъ тобою, или передъ немѣстники, или передъ волостели, в томъ вины нѣтъ. А имѣтъ съ кимъ холопъ его тягатися, а не будъ по немъ поруки, ино холопа обвинити, да выдати осподарю; а съ головы дати пошлины гривне, а съ семьи четверть. А на семъ на всемъ брате молодшiй Князь Великiй Михайло Олександровичъ цѣлуй ко мнѣ крестъ къ брату къ старѣйшему Князю Великому къ Дмитрiю Ивановичу, къ моему брату Князю Володимеру Ондреевичю, и къ нашей вотчинѣ къ великому Новугородоу, и за свои дѣти, и за свои братаничи, по любви въ правду, безо всякiе хитрости. А сiй списокъ съ грамоты съ крестной съ Тферской.
