ли семы своихъ Пословъ къ брату къ своему къ Великому Князю Дмитрею Ивановичю, и къ его брату ко Князю къ Володимеру Андреевичю, Князя Бориса Константиновича, Князя Андрея Ивановича, Князя Юрья Володимеровича, Дмитрея Обиручева, Меркурья, Петра, Лукьяна: тѣ Послове учинили межи насъ перемирье отъ Оспожина заговѣнья до Дмитрiева дни. Межы насъ войны нѣтъ, а межы насъ нашимъ Посломъ ѣздити; путь имъ чистъ. А въ томъ докончаньи Князь Михайло Тверскiй, Князь Дмитрей Брянскiй, и тѣ Князи, хто будутъ у Князя у Великаго у Олгерда въ имени его, и у Князя Великого Святослава такоже. А Князю Великому Олгерду, и Князю Кестутью, и Князю Великому Святославу хто будетъ со Княземъ съ Великимъ съ Дмитрiемъ Ивановичемъ, и съ его братомъ со Княземъ съ Володимеромъ Андреевичемъ въ любви и въ докончаньи, Князь Великiй Олегъ, Князь Великiй Романъ, Князь Великiй Володимеръ Пронскiй, и иные Князи, кто будетъ въ нашемъ имени, тѣхъ Князiй Князю Великому Олгерду, и брату его Князю Кесту-
