скомъ, а войско зъ войскомъ на Деснѣ спотыкалося, бо юже король Десну переправилъ былъ, а рѣка юже почала псоватися: наступовало тепло́. Где еслибы тіе силы зъ Путивля до князя Ромодановского наступили были, заледво бы былъ король увойшолъ отъ Десны; а итакъ много войска потратилъ, зъ голоду найболше. Где надвое войско пойшло: воевода Чернецкій къ Чернѣгову потягнулъ, а король на Стародубъ, простуючи къ Могилеву на Бѣлую Русь, где много люду потратилъ, бо отъ Бранска князь Яковъ Куденековичъ наступилъ, и такъ войско рвали, а звлаща, же доро́гою тѣсною простовали ку Кричову на млинѣ, где зъ великою шкодою уступилъ король зъ Украины, болшой колотнѣ начинивши, бо тіе городы трудность мѣли великую, которые королевѣ поздавалися были, где много старшинѣ Бруховецкій потратилъ.
Того жъ року Иванъ Сѣрко кошовый выйшолъ зъ Запорожя изъ нимъ козаковъ немало, а то подобно за поселствомъ Ивана Выговского, бывшого гетмана запорожского, и обозвавшися нѣякійсь Сулима, искупилъ не мало голоты въ Уманскомъ повѣтѣ, оставивши Сѣрка, пойшолъ до Лысянки, которому Лысянка здалася и Ставища, где прійшолъ подъ Бѣлую Церковъ, беручися до боку Выговского. Але Чернецкій зъ Маховскимъ не дались онымъ скупити, того Сулиму подъ Бѣлою Церквою розгромили, где и Сулима згинувъ, а напотомъ и Выговского взяли, которого Маховскій полковникъ казалъ розстрѣляти, не дбаючи, же воеводою былъ. Итакъ Выговского гетманство скончилося.
Того жъ, року и митрополита Болобанъ въ Корсуню померъ, а на его мѣсце обрано Іосифа Тукалского, але и тамъ не щирость была, бо на митрополію садился Антоній Винѣцкій, которого руку держалъ гетманъ Тетера, а иншое духовенство и шляхта отца Тукалского руку держали; але перемоглъ гетманъ Тетера, бо удалъ до короля его милости отца митрополиту Тукалского и своего швагра Хмѣлницкого, бывшого гетмана, также и Гуляницкого, боячися гетманства стратити; которыхъ король казалъ побрати и на заточеніе послати до Мальборку, мѣста въ Прусахъ, где роковъ два сидѣли у вязеню.
Того жъ року, заразъ по Воскресеніи Христовомъ, гетманъ Бруховецкій скупилъ усѣ полки заднѣпрскіе и, маючи зъ собою килка тысячей Москвы, рушилъ зъ подъ Переяславля къ Черкасомъ. О чомъ почувши гетманъ Тетера, и видячи незычливость противно собѣ казацкую и усѣхъ людей, забравши усѣ скарбы войсковые, що стары́й Хмелницкій збиравъ и иные гетманы, и клейноды войсковые, стада и товары, выйшолъ зъ Чигирина до Браславля, зо всѣмъ провадился, зъ женою, а напотомъ видячи, же юже уся Украина противно къ ему бунтуется, и сподѣваючися на ласку королевскую, же оному тамъ не мало указано маетностей, рушилъ изъ Браславля зъ скарбами, которые моглъ подняти, въ Полщу, а иные зоставилъ у Браславлю не мало грошей срѣбра, где прійшовши кошовый Сѣрко, усе тое пожаковали зъ козаками; а и тое, що запровадилъ Тетера въ Полщу, и тамъ
ском, а войско з войском на Десне спотыкалося, бо юже король Десну переправил был, а река юже почала псоватися: наступовало тепло́. Где если бы тие силы з Путивля до князя Ромодановского наступили были, заледво бы был король увойшол от Десны; а итак много войска потратил, з голоду найболше. Где надвое войско пойшло: воевода Чернецкий к Чернегову потягнул, а король на Стародуб, простуючи к Могилеву на Белую Русь, где много люду потратил, бо от Бранска князь Яков Куденекович наступил, и так войско рвали, а звлаща, же доро́гою тесною простовали ку Кричову на млине, где з великою шкодою уступил король з Украины, болшой колотне начинивши, бо тие городы трудность мели великую, которые королеве поздавалися были, где много старшине Бруховецкий потратил.
Того ж року Иван Серко кошовый выйшол з Запорожя из ним козаков немало, а то подобно за поселством Ивана Выговского, бывшого гетмана запорожского, и обозвавшися неякийсь Сулима, искупил не мало голоты в Уманском повете, оставивши Серка, пойшол до Лысянки, которому Лысянка здалася и Ставища, где прийшол под Белую Церков, беручися до боку Выговского. Але Чернецкий з Маховским не дались оным скупити, того Сулиму под Белою Церквою розгромили, где и Сулима згинув, а напотом и Выговского взяли, которого Маховский полковник казал розстреляти, не дбаючи, же воеводою был. Итак Выговского гетманство скончилося.
Того ж, року и митрополита Болобан в Корсуню помер, а на его месце обрано Иосифа Тукалского, але и там не щирость была, бо на митрополию садился Антоний Винецкий, которого руку держал гетман Тетера, а иншое духовенство и шляхта отца Тукалского руку держали; але перемогл гетман Тетера, бо удал до короля его милости отца митрополиту Тукалского и своего швагра Хмелницкого, бывшого гетмана, также и Гуляницкого, боячися гетманства стратити; которых король казал побрати и на заточение послати до Мальборку, места в Прусах, где роков два сидели у вязеню.
Того ж року, зараз по Воскресении Христовом, гетман Бруховецкий скупил усе полки заднепрские и, маючи з собою килка тысячей Москвы, рушил з под Переяславля к Черкасом. О чом почувши гетман Тетера, и видячи незычливость противно собе казацкую и усех людей, забравши усе скарбы войсковые, що стары́й Хмелницкий збирав и иные гетманы, и клейноды войсковые, стада и товары, выйшол з Чигирина до Браславля, зо всем провадился, з женою, а напотом видячи, же юже уся Украина противно к ему бунтуется, и сподеваючися на ласку королевскую, же оному там не мало указано маетностей, рушил из Браславля з скарбами, которые могл подняти, в Полщу, а иные зоставил у Браславлю не мало грошей сребра, где прийшовши кошовый Серко, усе тое пожаковали з козаками; а и тое, що запровадил Тетера в Полщу, и там
