егда час смертный постигает.
Душа трепещущи исходит,
и очи ко ангелом возводит,
умильно всюду обзирает,
уже никто ей помогает.
Отец и мать и други вся стоят,
умильно со слезами токмо зрят;
и тщатся вси из дому изнести,
чтоб вскоре тело в землю погребсти.
Убойся, о душе, часа того
и присно ожидай приход его:
внезапно он ко всем приходит
и в жизнь другую всех приводит.
Отстань, душе, от скверных дел своих,
и яко смрадный (т)руп поверзи их,
бежи от суетные чести,
и презри все бесовские лести.
Мир всех живущих в нем прельщает,
богатство тленным ослепляет.
Бежи из мира во пустыню,
в любезну всем святым густыню.
Святии грады оставляли,
в пустыню лучше жить желали,
чертоги царски презирали,
и все богатство повергали,
охотно в дебри уходили
и в местах непроходных жили,
в слезах и плачи жизнь кончали;
за то небесный рай прияли,
идеже вечно будут ликовати
со ангелы торжествовати.
Уже, душе, при дверях смерть стоит,
серпы и меч готов в руках держит,
но повеления от Бога ждет:
егда ссещи тебя Господь пошлет,
тогда тебе внезапно умертвит
и всех костей составы разрушит.
Прелестная минется,
как дым по воздуху разойдется,
похитит не готова тя во всем,
хотя бы был и царь в мире сем,
и поймет тя без дела блага,
пред судиею поставит нага.