и тако мы ныне, вси сироты, прочее пролием прилежныя молитвы к Вышнему за отца нашего, да и он взаимно за нас пред высочайшим его неописанным престолом припадательно предстательствовати имать.
Потщимся, притецем ко всемилостивому Богу и во отраду и благожизние отца принесем жертву Богу — дух сокрушен, сердце сокрушено и смирено, по пророческому гласу, возжем свещи, воскурим кандило, воспоем псалмы, пролием молитвы за душу раба Божия Симеона, да упокоит ю тамо Бог, идеже несть болезни, ни печали, ни воздыхания, но жизнь безконечная.
Ты же, боголюбивый наш отец, приими наше провождение, елицех близ твоего гроба провождающих, ибо устно и умно целуем твое любезное нам тело и вопием тебе умиленно: Прости нас, прости в сем веце и в будущем, прелюбезный наш отче, и молим: аще возимееши дерзновение, не забуди нас, тебе соживущих и оставших в различных скорбех и обуреваниих диавольскнх, воздвигни за нас молитву к Богу и к пресвятей Богородицы и ко всем святым, дабы нам от всех злых свободитися, и вся благая нам испроси, емуже слава во веки. Аминь.
