и отплыша в Рим. Латини же улучиша время принесенныя от Грѣкъ книги преложиша во[1] свой языкъ, а грѣческія книги сожгоша. И тако конечнѣ[2] оскудѣ у Грѣкъ философія.
Монахъ[3] же Максімъ пребысть у великаго князя[4] 9 лѣтъ в добродѣнствіи и многіе книги преведе от грѣческаго языка на славенскій. Ненавидяй же добра роду человѣческому діаволъ наважденіемъ от нѣкоихъ оклевѣтанъ[5] бысть блаженный (л. 106 об.) Максімъ великому князю, и еретикомъ его назваша и повеленіемъ великаго князя неповинный осужденъ бысть в заточеніе во Тверь. И пребысть 22 лѣта в заточеніи и от преосвященнаго епископа Тверскаго Акакія ослабу улучи по благословенію преосвященнаго Іоасафа митрополіта. Иніи же глаголютъ[6], яко во Іосифовѣ монастыре прежде Твери былъ в темницѣ и ту святому Параклету канонъ (л. 107) написа углемъ по стенамъ. Таже по сихъ благословеніемъ преосвященнаго Макаріа митрополіта нача в[7] церкви ходити и святыхъ пречистыхъ Таин причащатися. Видѣ же себѣ[8] преподобный Максімъ крѣпцѣ от всѣхъ неправдуема и поносима и написа[9] исповѣданіе о православнѣй вѣрѣ христіанстѣй и очищая себѣ от всѣхъ плевелъ еретическихъ. Написа[10] же словеса обличителна на іудеянъ, и на[11] еллинъ, (л. 107 об.) на латинъ и на агарѣнъ и иная многая словеса поучителна написавъ остави[12]. Таже благочестивымъ великимъ княземъ Іоанномъ Васильевичем всея Россіи повеленіемъ его, а умоленіемъ Троицкаго Сергіева монастыря игумена Артеміа, изведенъ бысть из Твери и повелено ему жити въ Троицкомъ Сергіевѣ монастырѣ. И тако во старости глубоцѣ преставися ко Господу[13] въ лѣто 7064.
- ↑ на Ун. 4.
- ↑ конечнее Ун. 4.
- ↑ мних П 1.
- ↑ вст. Василія Іоанновича всеа Росіи П 1.
- ↑ навожениемъ от некоих неветамъ Ун. 4.
- ↑ ини же глаголю Ун. 4.
- ↑ и к Ун. 4.
- ↑ виде же о себе Ун. 4.
- ↑ написана Ун. 4.
- ↑ написана Ун. 4.
- ↑ и на нѣтъ Ун. 4.
- ↑ оставивъ; таже благочестивыемъ Ун. 4.
- ↑ лета 7064-го году Ун. 4; въ лѣто 7064 і погребенъ бысть близ церкви сшествія святаго Духа по лѣвою страну угла. Богу нашему слава нынѣ и присно и во вѣки вѣком. Аминь. П 1. — Далѣе въ рукописяхъ Т 2, Ун. 4, П 1 идетъ разсказъ о 2 чудахъ, бывшихъ 10 іюля 159 г. съ Як. Софоновымъ и келейникомъ Іоанномъ на могилѣ преп. Максима грека. (См. ихъ ниже, стр. XL—XLI). Оканчивается этотъ разсказъ въ ркп. Т 2 словами: „…иные и видѣли. Написася въ лѣто от созданія мира
