competenti provideatur remedium ad revocandum hujusmodi feofamenta, et quod in tali casu procedatur ad judicium pro ipso petente.
28. Item petunt remedium de hoc, quod dominus rex large facit militibus de regno suo aequietantiam, ne in assisis ponantur, juramentis vel recognitionibus, propter quod in pluribus comitatibus pro defectu militum non potest capi aliqua magna assisa, et ita remanent hujusmodi loquelae, ita quod petentes nunquam justitiam consequuntur.
29. Item in pluribus comitatibus usitatum est, quod si aliquis defert breve de recto directum proximo capitali domino feodi, et petens probaverit defaltam curiae ipsius capitalis domini pro consuetudine regni, et post eat ad comitatum et petat quod adversarius suus summoneatur quod sit ad proximum comitatum, veniet superior capitalis dominus feodi ejusdem et petit suam curiam inde et habebit: et, probata defalta curiae, veniet adhuc alter superior dominus feodi illius et petit similiter curiam suam et habebit: et sic de singulis capitalibus dominis quotquot fuerint superiores. Quod est aperte contra justitiam, cum in brevi contineatur quod capitalis dominus feodi cui breve dirigitur plenum rectum teneat quod vicecomes faciat, etc. [Ann. Burton. 439—443].
