Асію всю поручи Евлегерду, сроднику своему.
Иллирика брата своего въ повершіе Истра постави.
Ипіона въ Затоцѣхъ Златыхъ постави, иже нынѣ наричутся Югрове.
Братажъ своего Пруса постази въ березѣхъ Вислы рѣки, вх градъ Мадборокъ и Турунъ и Хвоиницы и преславный Гданескъ, И иныхъ многихъ градовъ по рѣку, глаголемую Немонъ, впадшую въ море; и до сего числа по имени его зовется Пруская земля.
А отъ Пруса 14 колѣно Рюрикъ.
Въ тажъ времена въ Новѣгородѣ нѣкій старѣйшина, именемъ Гостомыслъ, скончаваетъ житіе, и созва онъ Владальца сущая съ нимЪ Новаграда, и рече: совѣтъ даю вамъ, да послете въ Прусскую землю мудрые мужи, и призовите Князя отъ тамосущихъ Кчязей. Онижъ, шедше въ Прусскую землю, обрѣтоша Князя Рюрика, суща отъ роду Римскаго Царя Августа, и молиша его съ посланными всѣхъ Новоградецъ, дабы шелъ къ нимъ княжити.
И въ лѣто 6370 (862) Князь Рюрикъ взя съ собою два брата: имя единому Труворъ, а второму Синеусъ, и пріиде въ Новградъ, и самъ Рюрикъ сѣде въ Новѣгородѣ.
А брата своего Трувора посади въ Изборсцѣ.
А Синеуса на Бѣлѣ озерѣ.
И Труворъ и Синеусъ бездѣтны.
А у Рюрика сынъ Игорь.
У Игоря сынъ Святославъ.
