милостивого. потвержоныхъ и вины, въ тыхъ прывилеяхъ на тыхъ Рижанъ описаныхъ, але они до зневаженья приводечи, не только мимо Полоцкъ, надъ привилья ихъ, укрыте сами нѣкоторые особы съ товарами своими проѣзжджати смѣютъ, такъ тежъ и факторовъ своихъ нѣкоторые съ товарами своими мимо Полоцокъ пропровожатъ важатъ ся, ку шкодѣ и кривдѣ имъ Полочаномъне малой. А надъ то еще и въ ригѣ незвыклые податки и мыта, такъ отъ струговъ, яко тежъ и отъ товаровъ, которые до нихъ до Риги провадятъ, альбо и въ нихъ купивши провадятъ зъ Риги, на преречоныхъ мѣщанѣхъ, купцахъ мѣста Полоцкого, вытегаютъ и уставы чинятъ, а меновите: отъкаждого лашту селедцовъ въ разѣ берутъ по шеть грошей польскихъ, а отъ кождое пипи вина по осмьнадцать грошей польскихъ, такъ-же и отъ кождого поставу каразши мыта по три гроши польскіе. А ку тому еще надъ звыклость уставили якогось писаря въ коморѣ до выдаванья квитовъ, который отъ кождого струго по два гроши польскіе бертъ, также тежъ на возѣ товары хиъ зъ великою шкодою ихъ важатъ, то есть, товары ихъ отъ нихъ припровожоные въ берковескъ по десеть пудовъ, а которые они отъ нихъ берутъ, то-есть, соль и иншше речи, только по девети пудовъ въ берковескъ у нихъ Полочанъ въ Полоцку заходитъ. А надъ то непотрене и неслуне товары бракуютъ и купцовъ до великого знищенья и зубоженья приводятъ. Ку тому и иншихъ новыхъ уставъ въ мѣстѣ своемъ чинятъ, чимъ великую шкуда намъ — мѣщаномъ мѣста его кор. мил. Полоцкого чинятъ и до убожства приводятъ“ 167)...
