Страница:Сборник материалов и статей по истории Прибалтийского края. Том 4 (1883).djvu/189

Материал из Викитеки — свободной библиотеки
Перейти к навигации Перейти к поиску
Эта страница была вычитана
Выписка изъ повѣсти о псковско-печорскомъ монастырѣ
о прихожденіи литовскихъ людей и о побѣдѣ на нихъ[1].
(Для сличенія съ записками Миллера на стр. 135 и 136).

Въ тоже время, егда король Стефанъ Аббатуръ (Баторій) стояще у града Пскова, воинстіи его людіе добываху себѣ и конемъ кормлю, по селомъ во всей Псковстей Области, пачеже въ Ливонстей земли ѣздяху, и до самаго Юрьева града, по лѣсомъ и по блатомъ, и по островомъ, на великомъ Псковскомъ езере, — взыскующе забѣглыхъ людей, — имѣнія же, коровъ и коней, въ плѣнъ себѣ имаху. Людіе же простіи и поселяне, на Господа Бога надежду возлагающе и на Пречистую Богородицу, выхождаху изъ градовъ осадныхъ, съ Изборска, изъ Печерскаго монастыря, изъ Гдова, и изъ Юрьева Ливонскаго, и изъ Нового-Городка, тѣхъ Литовскихъ людей по селомъ и по лѣсомъ имаху живыхъ, а иныхъ побиваху, и грабленныя у нихъ отнимаху. И по сихъ октября въ 10-й день (1581 года — январскаго) , отпущены отъ короля Литовстіи воини во свою землю со многимъ имѣніемъ своимъ и съ плѣнными, телѣгъ возничыхъ яко до тридесяте и болѣ; бѣже путешествіе ихъ ото Пскова, на печерскій монастырь, въ Ливонскую землю. И егда достигоша Печерскій монастырь, тогда Печерскаго монастыря людіе устремишася на нихъ и прогнаша ихъ и имѣніе ихъ все поимаша и въ монастырь привезоша; и на утріе такожде ѣхаша отъ Пскова Ливонстіи людіе, яко до трехъ сотъ съ плѣнники, и со множествомъ имѣнія, въ нихъ же бѣ плѣненъ рижской Нѣмчинъ Еѳимъ, посланъ бяше изъ Риги къ Королю за зеліе златыхъ имати, — и Поспѣлъ Солицынъ зъ женою и здѣтми, — бѣ же плѣненъ отъ Литвы во области Великаго Нова-града, — и иніи мнози: взяша же у нихъ и два колокола, еже плѣниша въ Кобыл-

  1. Выписка эта издана въ Псковѣ въ 1881 г. преосвященнымъ Павломъ, епископомъ псковскимъ и порховскимъ.