Царицею своею и съ новорожденнымъ отрочатемъ, на такъ долгій путь, и пребылъ въ Сергіевѣ монастырѣ аки три дни, опочиваючи себѣ: бо еще былъ не зѣло оздравѣлъ.[1] А въ томъ тогда монастырѣ обиталъ Максимъ преподобный, Мнихъ святыя горы Аѳонскія Ватопеда монастыря, Грекъ родомъ, мужъ зѣло мудрый, и не токмо въ Риторскомъ искусствѣ многъ, но и Философъ искусенъ, и ужъ въ лѣтѣхъ превосходныя старости[2] умащенъ, и по Бозѣ въ терпѣніи исповѣдалческомъ[3] украшенъ: много бо претерпѣлъ отъ отца его многолѣтныхъ и тяжкихъ оковъ и многолѣтнаго заточенія въ прегорчайшихъ темницахъ, и другихъ родовъ мученій искусилъ неповиннѣ, по зависти Даніила Митрополита, прегордаго и лютаго, и ото вселукавыхъ Мниховъ, глаголемыхъ Осифлянскихъ; а онъ[4] былъ его изъ заточенія свободилъ, по совѣту нѣкоторыхъ Сигклиговъ своихъ, исповѣдающихъ ему, иже отнюдь неповиннѣ страждетъ таковый блаженный мужъ54). Той предреченный Мнихъ Максимъ началъ совѣтовати ему, да не ѣдетъ на такъ далекій путь, наипачежъ со женою и съ новорожденнымъ отрочатемъ.
„Аще, рече, и обѣщался еси тамо ѣхати, подвижуще Святаго Кирилла на молитву ко Богу; но обѣты таковые съ разумомъ не согласуютъ, а то сего ради: егда доставалъ еси такъ прегордаго и сильнаго Бусурманскаго Царства, тогда и воинства Христіанскаго храбраго тамо не мало
