ва никогда же въ нашемъ языцѣ бывала, отъ тебя бѣды начало пріемше, яко напреди нами плодъ твоихъ прелютыхъ дѣлъ вкратцѣ изъявится. Воистинну мало по нареченію твоему, и дѣло твое показася: бо нареченіе ти Топорковъ; а ты не топоркомъ, сирѣчь малою сѣкеркою: воистинну великою и широкою, и самымъ оскордомъ[1] благородныхъ и славныхъ мужей во великой Руси посѣклъ еси.[2] Къ тому яко многое воинство, такъ безчисленное множество всенародныхъ человѣковъ ни отъ кого прежде, по добромъ покаянію своему, только отъ тебя Васьяна Топоркова Царь будучи прелютостію наквашенъ,[3] всѣхъ тѣхъ предреченныхъ различными смертьми погубилъ… И сіе оставя, до предреченныхъ возвратимся[4].
Напившися Царь Христіанскій отъ православнаго Епископа таковаго смертоноснаго яду, поплылъ въ путь свой Яхромою рѣкою, ажъ до Волги, Волгоюжъ плылъ колько десять[5] миль, до Шексны рѣки великія, и Шексною вверхъ ажъ до озера великаго Бѣлаго, на немъ же мѣсто и градъ стоитъ; и не доѣзжаючи монастыря Кириллова, еще Шексною рѣкою плывучи, сынъ ему, по пророчеству Святаго,[6] умре.62)Іюня. 1553. Се первая радость за молитвами онаго предреченнаго Епископа! Се полученіе мзды за обѣщанія не по разуму, пачеже не богоугодныя!..[7] И оттуду пріѣхалъ до онаго Кириллова монастыря въ печали мнозѣ и въ тузѣ,[8]
