ѣзды подъ шляхи[1],67) и увѣдавше о Царевѣ хожденіи на Русскую землю, и абіе послалъ вѣсть ко Царю нашему до Москвы, иже грядетъ недругъ его на него въ силѣ тяжстѣй, а самъ зайде ему созади, хотяще на него ударити въ то время, егдаже въ Русской землѣ войска распуститъ. Потомъ, увѣдавъ о кошѣ[2] Царя Перекопскаго,68) послалъ на него аки третину войска, бо отъ шляху былъ, имъ же Іоаннъ идяше, аки полднища въ странѣ: бо обычай[3] есть всегда Перекопскаго Царя днищъ за пять, або за шесть, оставляти половину коней всего воинства своего, пригоды[4] ради.
Писари же наши Русскіе, имъ же Князь Великій зѣло вѣритъ, а избираетъ ихъ не отъ Шляхетскаго роду, ни отъ благородна, но паче отъ Поповичевъ, или отъ простаго всенародства,[5] а то[6] ненавидячи творитъ Вельможъ своихъ, подобно, по Пророку глаголющему: хотяще единъ веселитися[7] на землѣ, — чтожъ тые сотворили Писари? То воистинну: что было таити, сіе всѣмъ велегласно проповѣдали. „Се! рекше, исчезнетъ убо Царь Перекопскій со всѣми силами своими! Царь нашъ грядетъ со множествомъ воинства противъ его, а Іоаннъ Шереметевъ надъ главою его идетъ за хребтомъ.“ И то во всѣ Украйны написали проповѣдающе; Царь же Перекопскій, до самыхъ Русскихъ предѣловъ пришедши, ни о чемъ же не вѣдяше; но такъ было Богъ далъ, иже ни еди-