желнерей[1] всѣхъ выпустили вольно и жителей градскихъ, елицы хотѣша, а его не выпущали и со скарбы, милость ему обѣщавающе отъ Царя, яко и даде ему градъ на Москвѣ[2] до живота его, и скарбы оные его, елицы взяты, возвращены ему потомъ.103) И сице взятъ градъ и мѣсто;21 Авг. 1560. и огнь въ мѣстѣ угасихомъ.104) А къ тому тогда взяхомъ два, або три грады, въ нихъ же быша намѣстники того Майстра Фиштенъ-беркга.105) Егдажъ внидохомъ въ мѣсто и во градъ Феллинъ, тогда узрѣхомъ отъ мѣста стоящи еще три выше-грады,[3] и такъ крѣпки и отъ претвердыхъ каменей сооружени, и рвы глубоки у нихъ, иже вѣрѣ не подобно: бо и рвы оные, зѣло глубокіе, каменьми гдадкими тесанными выведены; и обрѣтохомъ въ немъ великихъ дѣлъ[4] стѣнобитныхъ осмьнадесять, а подъ тѣми великихъ и малыхъ всѣхъ пол-пятаста на градѣ и мѣстѣ, и запасовъ и всѣхъ достатковъ миожество; а въ самомъ[5] градѣ вышнемъ, не токмо церковь, или палаты, или самъ градъ, но и кухня и стайни[6] толстыми оловянными дщицами были крыты; и тую всю кровлю[7] абіе Князь Великій повелѣлъ сняти, и въ то мѣсто кровлю отъ дерева сотворити.