край Корелска языка, въ Лопи дикой лежащь.107) А Алексѣй[1] отгоняется отъ очей его, безъ суда, въ нововзятый градъ отъ насъ, Феллинъ, и тамо Антипатъ[2] бываетъ на мало время.108) Егда же услышали презлые, иже и тамо Богъ помогаетъ ему: понеже не мало градовъ Лифляндскихъ, еще не взятыхъ, хотяще поддатись ему, его ради доброты, ибо, и въ бѣдѣ[3] будуще положенъ, служаше Царю своему вѣрнѣ; онижъ паки клеветы къ клеветамъ, шептаніе къ шептанію, лжесшиваніе ко лжесшиваніямъ Цареви прилагаютъ, на мужа онаго и праведнаго и добраго. И абіе повелѣлъ оттуду свести въ Дерптъ и держанъ быти подъ стражею; и по дву мѣсяцѣхъ потомъ, въ недугъ огненный[4] впалъ: исповѣдався и взявъ святыя Христа Бога нашего тайны, къ Нему отъиде.109) Егдажъ о смерти его услышавше, клеветницы возопиша Цареви: „се твой измѣнникъ самъ себѣ задалъ ядъ смертоносный и умре.“[5]
А той Селивестръ Презвитеръ, еже прежъ, даже не изгнанъ былъ, видѣвъ его, иже не по Бозѣ всякія вещи начинаетъ, прѣтивъ ему и наказуя много, да во страсѣ Божіи пребываетъ и въ воздержанію жительствуетъ, и иными множайшими словесы Божественными поучая и наказуя много, — онъ же от-
- ↑ Въ Э. прибавл. Адашевъ.
- ↑ Въ Р. Анѳипадъ (намѣстникъ).
- ↑ Въ Э. гнѣвѣ.
- ↑ Горячка.
- ↑ Въ П. въ текстѣ, въ Р. и К. въ примѣчаніи: Зри здѣ исполнено Златоустомъ реченное, яко онъ индѣ глаголетъ, иже всѣ страсти и злости человѣческія житіемъ разрушаются, а зависть и ненависть и по смерти не угасаетъ, яко и на самого Христа нашего отъ богоборныхъ Іудеевъ, ведущихъ лжесшівіе по премногому лукавству ихъ, учаще воиновъ лгати: „рцыте, рече, яко намъ спящимъ украдоша его ученицы“ и прочее; и промчеся то слово между ими и по се время; такожде и между тѣми нечестивыми промчесь лгальство ихъ, аки бм святый, истою смертію отшедшій, самъ собѣ ядъ задалъ.
