творитъ Епископъ!“ Воистинну нѣкогда тожъ и мучители древніе о творяющихъ чудеса мученицѣхъ глаголали.
Потомъ, глаголютъ, Епископа отъ Мучителя заведенна[1] во единъ монастыръ, глаголемый Отрочь, во Тверской землѣ лежащій, и тамъ, глаголютъ его нѣцыи, пребыша мало не годъ цѣлый, и аки бы посылалъ до него и просилъ благословенія его, такожъ и о возвращеніи на престолъ его[2]; онъ же, яко слышахомъ, отвѣщалъ ему: „Аще, рече, обѣщаешися покаятиси о своихъ грѣсѣхъ и отгнати отъ себя оный полкъ сатанинскій, собранный тобою на пагубу Христіанскую, сирѣчь Кромѣшниковъ, або Опришницовъ[3] нарицаемыхъ: „азъ, рече, благословлю тя[4] и прощу, и на престолъ мой, послушавъ тя, возвращуся. Аще ли же ни, да будеши проклятъ въ семъ[5] вѣцѣ и въ будущемъ и съ Кромѣшники твоими кровоядными, и со всѣми согласующими тебѣ во злостяхъ!“ И овши[6] глаголютъ его въ томъ монастырѣ удавленна быти, за повелѣніемъ его, отъ единаго прелютаго и безчеловѣчнаго Кромѣшника; а друзіи повѣдаютъ, аки бы во ономъ[7] любимомъ его граду, глаголемомъ Слободѣ, еже кровьми Христіанскими исполненъ, созженна бысть на горищемъ углію. Ащелижъ сице, или сице: всяко Священномученическимъ отъ Христа вѣнцемъ вѣнчанъ, его же измлада возлюбилъ, за негожъ
