численныя чудеса прежде истекали, благодатію Христа Бога нашего и пресвятыя его Матери молитвами, поколь[1] было имѣній ко монастырю тому не взято, и нестяжательно Мниси пребывали; егдажъ Мниси стяжанія почали любити, паче же недвижимыя вещм, сирѣчь села и веси; тогда угасоша Божественныя чудеса. И тогда вкупѣ убіенъ съ нимъ другій Мнихъ, ученикъ того Корнилія, Васьянъ именемъ, по нареченію Муромцовъ: мужъ былъ ученый и искусный и во Священныхъ писаніяхъ послѣдователь. И глаголютъ, ихъ вкупѣ во единъ день орудіемъ мучительскимъ нѣкакимъ раздавленныхъ: вкупѣ и тѣлеса ихъ преподобно-мученическія погребены.196) Потомъ мѣсто великое Иваняграда, еже близу моря стоитъ на рѣцѣ Нарвѣ, выграбивъ все, сожещи повелѣлъ. Такожъ и во Псковѣ великомъ и во иныхъ многихъ градѣхъ многія безчисленныя бѣды, и тщеты,[2] и кровопролитія тогда быша, ихъ же поряду исписати невозможно.197) А всѣмъ тѣмъ служители быша ласкатели его, со онымъ прелютымъ варваровъ полкомъ, нарицаемыхъ Кромѣшниковъ, яко и предъ тѣмъ уже многажды о нихъ рѣхомъ: вмѣсто нарочитыхъ, доброю совѣстію украшенныхъ мужей, собралъ себѣ со всея тамошнія Русскія земли человѣковъ скверныхъ и всякими злостьми исполненныхъ, и къ тому еще обвязалъ ихъ клятвами страшными, и принудилъ окаянныхъ не знатись не токмо со други и братіями, а ни съ самыми родители, но точію во всемъ
