И нынѣ, скончавающе Исторію новоизбіенныхъ мучениковъ, да похвалимъ по силѣ нашей, елико можемъ. И кто бы, умъ здравъ имѣюще, возбранялъ ихъ похвалити? Развѣ бы кто гнуснаго, и лѣниваго, и лютаго, и неистоваго ума былъ. Речетъ кто: „негли мученики Царей нечестивыхъ, и идоломъ не послужили; и предъ лютыми мучители единаго Бога исповѣдали, и сего ради различныя муки претерпѣли и смерти строгія[1] подъяли, радующесь, за Христа Бога?“ Сіе воистинну и азъ вѣмъ; но и тѣ новоизбіенные отъ лютаго и безчеловѣчнаго Царя: аще онъ Богу мнится[2] и вѣровати и служити въ Троицѣ славиму, и крещеніемъ просвѣщенъ былъ; но Бога единаго и діаволи вѣдятъ, въ Троицѣ же славимаго, и Икономахи[3] и другіе мучители исповѣдали, но такожъ и тѣ множество мучениковъ и исповѣдниковъ прелютыми мученьми помучили за Христа: бо былъ крещенъ и Фока мучитель и
