жественнымъ слугамъ Божія слова всю вселенную, якоже орли летаніе отекшимъ[1], даже искра благочестія дойде и до Русскаго Царства: самодержавство Божіимъ изволеніемъ починъ[2] отъ Великаго Князя Владиміра, просвѣтившаго всю Русскую землю святымъ крещеніемъ, и Великаго Царя Владиміра Мономаха, иже отъ Грекъ[3] высокодостойнѣйшую честъ воспріемшу, и храбраго Великаго Государя Александра Невскаго, иже надъ безбожными Нѣмцы побѣду показавшаго, и хваламъ достойнаго Великаго Государя Дмитрія, иже за Дономъ надъ безбожными Агаряны велику побѣду показавшаго, даже и до мстителя неправдамъ, дѣда нашего, Великаго Государя Ивана, и въ закоснѣнныхъ[4] прародительствіяхъ земли[5] обрѣтателя, блаженныя памяти отца нашего, Великаго Государя Василія, — даже дойде и до насъ, смиренныхъ Скипетродержанія Русскаго Царствія. Мы же хвалимъ[6] за премногую милость, происшедшую на насъ, еже не попусти доселѣ десницѣ нашей единоплемянною кровію обагритися: понеже не восхитихомъ ни подъ кимъ же Царства, но Божіимъ изволеніемъ и прародителей и родителей своихъ благословеніемъ, яко же родихомся во Царствіи, тако и возрастохомъ и воцарихомся Божіимъ велѣніемъ и родителей своихъ благословеніемъ свое взяхомъ, а не чюжее восхитихомъ; сего православнаго истиннаго Христіанскаго Самодержавства, многими владычествы