Васильевича всеа Русіи и царевну и великую княжну Анну; а осыпало было на мисе на золотой; а на мису первое хмелю всыпано на три углы въ трехъ мѣстехъ, да на три жъ мѣста положено было тридеветь соболей, на мѣсто по девети соболей, да тридеветь платковъ бархатныхъ и отласныхъ з золотомъ и безъ золота въ одинъ цвѣтъ безъ розныхъ шолковъ; а мѣра платкомъ въ длину четь съ вершкомъ, а поперегъ четверть, да тридеветь пѣнезей меншихъ на три жъ мѣста по девети пѣнезей, а величествомъ пѣнезь з золотой или мало менши. ||
9.А на другой мисе осыпало было наряжено къ постеле потому жъ.
Да послѣ осыпанья соболми опахивали.
А царя и великого князя дружка, благословився, сталъ рѣзаті перепечю і сыръ да ставити на блюдехъ передъ царя и великого князя и передъ царевну і великую княжну.
А царевнинъ дружка подавалъ ширинки.
Да посидѣвъ мало, царь и великий князь поѣхалъ къ венчанью къ Покрову Пречистой Богородицы; и какъ царь и великиі князь всталъ съ своего мѣста, и на его мѣсто на зголовье положили сорокъ соболей; а какъ царевна съ своего мѣста встала, и на царевнино мѣсто положили сорокъ же соболей; да какъ царевна пошла къ санемъ, вставъ съ мѣста, и царя и великого князя зголовья положили тогды на царевнино и великие княжны зголовье, а два сорока соболей положили на верхъ на зголовья.
Да приѣхавъ къ церкве къ Покрову Пречистой Богородице, пошолъ государь въ церковь въ сторонние двери отъ площаді, что отъ дьячихъ избъ, а тысецкой сынъ его царевичъ князь Иванъ и весь поездъ съ нимъ. ||
10.А за нимъ поѣхала царевна і великая княжна въ саняхъ къ церкве.
А какъ приѣхалъ царь и великиі князь и его царица къ церкве, и того берегли накрѣпко, чтобъ межъ государева коня и царицыныхъ саней не проходилъ нихто, а съ царевною и великою княжною ѣхали къ