А[4] самому государю жену, и дети, и домочадцев учить не красти, не блясти, не лгати[5], не оклеветати, не завидети, не обидети[6], чюжаго не похищати[7], не претися всуе неосужати, не бражничати, не просмеивати, не помнити зла, не гневатися ни на кого. Ко большим быти послушну и покорну, а к средним любовну, к меншим и к убогим приветну и милостиву; со всяким управа без волокиты; наипаче[8] наймита наймом не изабиди[9], а всякую обиду[10] со благодарение терпи[11], Бога ради, и понос и укоризну. Аще по делом поносят и укоряют, сие с любовию приимати, и[12] таковаго безумия отвращатися, а против не мстити[13]. А домочадцев своих учити страху Божию, и всякои добродетели, и самому також творити, и вкупе обрящете от Бога милость. Ащели небрежением и нерадением твоим сам, или жена твоя твоим[14] не наказанием согрешит и зло пред Богом сотворит, или[15] домочадцы твоя, мужи, и жены, и дети твоя каков грех сотворят твоим[16] не наказанием: брань и татьбу, или блуд и всякое зло сотворят, — вси купно по делом своим приимете, зло сотворшии муку вечную, а добро сотворшии[17] и иже с тобою вкупе примете с ними вечную жизнь, а себе больший венец приимеши, понеже не о себе едином попечение имея к Богу, но и сущих с тобой введе в жизнь вечную.
Примечания[править]
- ↑ В Р. Т. № 38 и Конш. глава 21, а в № 1 гл. 26.
- ↑ В Р. Т. № 38 и 1 = наказ.
- ↑ Р. Т. № 1 и людем
- ↑ Конш. = да.
- ↑ Р. Т. № 38 и Конш. = ни солгати.
- ↑ Конш. не клепати.
- ↑ Ibid. = не претися Цар. не переслеяти всуе без ума.
- ↑ Конш. = но и паче.
- ↑ Ibid. = не изобидети.
- ↑ Ibid. = всякая обида.
- ↑ Ibid. = терпети.
- ↑ Ibid. от.
- ↑ Ibid. аще в чем не повинен, за сие от Бога мзду приямеши.
- ↑ Ibid. = мужним.
- ↑ Ibid. вси.
- ↑ Ibid. = господаревым.
- ↑ Р. Т. № 38 и Конш. богоугодно пожившии и жизнь вечную наследят в царствии небесном и этим оканчивается глава.
