яся съ ними въ банѣ, или инако како присвояся[1], аще есть причетникъ, да извержется или мирянинъ да отлучится. 19 Василия Великаго правило 72-е. Волшебникомъ себя вдастъ[2] или кимъ таковымъ дѣтоубіицы[3] и то запрѣтится. Вдавыи[4] себе волхвомъ или обавникомъ или чародѣемъ на ученіе злохитръства ихъ, яко волею убивыи запрещеніе да пріиметъ; вѣруя же въ волхвы, или вводяи ихъ въ домъ свои обрѣтенія ради нѣкоего очищенія, отправленія, или откровеніи ради нѣкихъ, неизреченныхъ,—6 лѣтъ запрещеніе да пріимутъ[5], яко же 61 правило повелѣваетъ 6-го вселенскаго собора, иже въ Константинѣ градѣ въ Турлѣ Полатнемъ и 73-е правило въ семъ посланіи Великаго Василія.
Въ монастыри и въ болницы заключенныхъ, посѣщаи, и милостыню по силѣ всякихъ потребныхъ подаи, елико требуютъ; и видѣвъ[7] бѣду ихъ и скорбь и всякую нужду и елико возможно помогаи имъ; и всякого скорбна, и нища, и бѣдна, и нужна не презри; и введи въ домъ свои напои, накорми, согрѣи и одѣжи со всею любовію и чистою совѣстію:
